قصيدة «بلاش أنا ».. أحمد الموافى
الشاعر أحمد الموافى -
انتحار كان القرار
محكوم عليه بالموت
اشلاء توزع دمها
وسط لمة مغرمين لسكوت
وموسيقي حزن بناي
معزوفة بوتر من عود
وده صوت ف قلب الخلا
يحلم بانه يعود
وده سمبتيك كانو بيطلقو ع العود
شدت سماهم بالوتد
لكن إلاهم كلهم خالق سماه
من غير مساند او عمد
واكمن صوت الخوف ضعيف
ولأني محسوب ع الوطن كالضيف
وبقايا لحمي الي يكلهم دود
فانا مستحيل اقبل اني اكون طبال
والمصلحة ترقص وتسكر وابقي انا الشيال
انا حد معجون م القسي يمكن وعندي عيال
فلا اقبل اعيش مربوط
او حد يكتم صوت
انا زي السكر الممنوع
انا سعرى اغلي من سعركم
وقت ما كان مرفوع
فلاش تلاعبوني بهدوء
احسن هفوق
و تلاقو وحش ف
وقتها مصروع