أحمد راضي مقبول يكتب : نقول كمان أستروا العورات
أحمد راضي مقبول -
صوت الغلابه
المكلومين
المجروحين
المحرومين
كان صوت ادان ملايين
و كانوا يا وطن حجاج ميدان قاموا الصلاه ساووا الصفوف و للسما رفعوا الكفوف
لكن الإمام كان الشيطان .........
الثورة مش ف ميدان
على حكم أو طغيان
فسادنا جوانا
الشر فيك ينبوع
سايب أخوك بالجوع
و البطن مليانه
فبلاش تقول نازل
و تجدد الآهات
و عشان تعيش ثورتك
بُص في المرايات
و استر كمان عورتك
لو نادوا ع الصلوات
استر كمان عورتك
لو ناوي ع الثورات