الديار

رئيس مجلسي الإدارة والتحرير
عصـام عـامر

زاوية رأى

برود وفتور أصاب الصدور ....

2019-01-31 13:36:07
الهام سويحه
الهام سويحه
الهام سويحه

خواطر مصرية بالغربة
تطل بها علي الوطن

برود وفتور
أصاب القلوب
كنا زمان نصحي
نطمن علي بعضينا
علي حبايبنا حبايبنا
واقاربنا البعاد والقريبين
من جيرانا المحبين
من كل مذهب ودين
مش عاوزه افسرها حرفي
عشان احنا فعلا اخوات

*برود فتور أصاب القلوب*

كلنا مصريين
بناكل من نفس الطينه
ونشرب من نفس النيل
كان من كتر محبتنا
واحترامنا لبعضينا
لما تحصل وفاه احد من جيرانا ولا لينا
كل كل واحد فينا
من الكبار رجاله وستات
نلبس اسود واحنا طالعين
ولو حد منا عمل فرح
ولا حد نجح نضاري فرحتنا
من احترامنا لبعضينا
حتي الفرح في الجوازات كنا نساعد فيه بعضينا
مش بس مجهود جسدي أو معنوي لا كمان في الماديات
ياه عالدنيا واللي عملناه فيها

*برود وفتور أصاب القلوب*
كان لما تحصل خناقه بين
الولاد الصغيرين
تلاقي الأب وآلام
يطبطبوا عالتنين
ويخلوهم يحضنوا بعض
كنا نروح المدرسه
القلم والاستيكه
نقسمها نصفين
نتقاسم السندوتشات
فاطمه ومارينا ومحمد ومينا

فينك يا ايام اصبحنا في حال غير الحال
ياتري الزمن غيرنا
ولا كنا في غفله
كان كلها رحمه
وفقنا للاوحش وصحينا

واوعاك تقولي تكنولوجيا
وكمبيوتر وتخطيط غربي
ولا شرقي .شئ من هذا الكلام
هو فعلا فيه تحدي
من دول غربيه ودول جوار
كتير حوالينا
حصل وماذال بيحصل
في النهاية دي سياسه دول

بس اللوم مش عليهم
كل اللوم الكبيرعلينا احنا
عشان اديناهم فرصة
وسحبنا ادينا من مسؤليتنا

تجاه بعضينا رمينا كل اللغط
عاليحوالينا
انت لو بتحب بلدك بجد
مستحيل هتائزيها
وتبيع اخوك واختك
وتاجر باهلك
حتي لو حطوك في أتون النار
لازم نفوق وننتقي شيوخنا
ونطهر الاعلام
سدكوني العيب فينا
لسبب بسيط إنه ماذال
بعض منا وكتير
من اولاد الكنيسه
وكتير قوي من حبايبنا واعنيها
لم تلوثهم مفاهيم مغلوطه
متمسكين باصول المحبه
واحترام الآخر
بيستخدمو وسائل التواصل
والاعلام في الخير مش في الشر
زي الشعوب مع بعضينا
في الغرب تمام
وهنا تكمن المحبه
في اللي يستعمل عقله
ويراعي ربنا في اخواته ووطنه
حتي لو بيعانو من عدو الخير وشيطانه
علي فكره انا مش منهم
بس بحاول اكون زيهم
بجد ماهو تظاهر مني
ولفت نظر لشخصي المتواضع
لكن/ نفسي زي ناس كتير
أحسن مني
ترجع مصر بلدي درة الاوطان

*برود وفتور أصاب القلوب*
الحمدالله /ورثنا ولادنا
زي ما ورثنا من اهالينا
ورثناه
يعني ايه صديق أو جار
تساعده ويساعدك
تلاقيه ويلاقيك
في وقت الشده والضيق
لو مريت بمحنه
يجري عليك ويساندك
في لحظه ممكن يكون اخوك
بالدم ظروفه صعبه
مسافر ولا بعيد
وربنا ما هتلاقي زي اخوك
في الوطن ولا جارك وابن بلدك صاحبك في السكن

أن الأوان وواجب علينا
لازم نرجع لقيمنا الاصيله
اللي اتربينا عليها
لأن هو دا معني الإنسان
معني الوطن زي زمان زي ما ريسنا
قال لازم نرجع زي زمان نبقي ايد واحده بالمحبه
نرجع الميه لمجاريها
مهما سمعنا
من اللي اتغيرت مفاهيمهم

برده علينا باستهزاء

انت لسه فاكر ايام زمان
كبري ياعمه كبر ياخال


إرسل لصديق