مي حلمي: «”ساعات بتحتاج تفتكر حياتك اللي فاتت وبالاخص الحلو منها»
نشرت الإعلامية مي حلمي، صورة لها من داخل مسجد "السلطان حسن" لتعيد ذكرياتها أيام الدراسة، عبر صفحتها الرسمية على موقع تبادل الصور والفيديوهات "إنستجرام" .
معلقة: "في كتير سألو علي رحلة النهاردة وفي الجو دة وأشمعني جوامع مصر، ساعات بتحتاج تفتكر حياتك اللي فاتت وبالاخص الحلو منها، لما قررت ادخل معهد فنون مسرحية قدمت واتقبلت ودخلت قسم دراما وأخراج كان شرط البيت إني اكون في كلية تانية عشان دي مش شهادة وبالنسبالهم مش معترفين بيها" .
وتابعت: "فدخلت كليه سياحة وفنادق "قسم إرشاد سياحي" فسقط أول سنة ونجحت في اللي بحبه، فأهلي قرروا، اكيد عرفين قرروا أيه، مروحش تاني معهد فنون مسرحية وأكمل في اللي هينفعي باعتبار إن حلم المذيعة دة لاغي من الحياة، واشتغلت ٦ سنين مرشده سياحية وابتديتها من أول سنة في الجامعة بعد ماعيدت السنة طبعا باعتباري بثبت إني مش فاشلة، من مرشد سياحي صامت لحد ما اتخرجت وخدت رخصه الإشاد" .
وأضافت: "والنهاردة حبيت افتكر كل الحلو الي كان في حياتي وكنت فين وبقيت فين بس منستش أنا بحب ايه وعاوزة أكون ايه وبالعكس حبيت شغلي كمرشده جدا وبقول يمكن لو ماكنتش كده ماكنش تفكيري بقي كده النهاردة وماكنتش وصلت للحاجة اللي بحبها" .
