خالد يوسف يوضح حقيقة اعترافات «منى وشيما »في قضية الفيديو الجنسي… التفاصيل
نشر المخرج خالد يوسف، عضو مجلس النواب، على صفحته الشخصية عبر موقع التواصل الاجتماعي «فيس بوك»، بيانا، وضح خلاله تفاصيل مهمة فى قضية الساعة، المتهم فيها فنانتين بخدش الحياء العام وهما «شيما الحاج ،و مني فاروق ».
بعد إنتشار الفديوهات الجنسية لهم برفقة المخرج.
وخرج «يوسف»عن صمته الذي دام عدة أيام وتحدث في بيانة، موجها عدة أسئلة للصحافة المصرية عن ماتداول بشأن أقوال المتهمتين.
وقال يوسف، "دفاعا عن الفن وليس عن« خالد يوسف »ويوجه سؤال لوسائل الأعلام، ياتري هتعمل إيه وسائل الاعلام في أقوال البنات المثبتة في التحقيقات الرسمية للنيابة".
وأكمل «يوسف» "اللي مافيهاش حرف من الاساطير اللي قعدوا ينشروها ويأكدوها ويعيدوا التأكيد عليها ويزنوا ليكون حد ماوصلوش الخبر بإن أنا اللي كنت بصور البنات تحت التهديد ، وببتزهم كمان بالفيديوهات دي".
وتابع ، وأضافوا كمان أن البنات قالوا أنهم كانوا سنهم صغير يعني أقل من ١٨ سنة عملولي شوية تهم كده أخدلي فيها تأبيدة علي الاقل.
وذكر أنه عندما أطلعت علي التحقيقات حزنت، وقلت ياريت كان البنات قالوا كده، وكان الإعلام صادق في نقل اللي قالوه لكن إكتشفت أن كل اللي نقلوا الكلام في الاعلام ده مجرد «مخبرين» مش صحفيين «ببلاط صاحبة الجلاله» وأنهم فقط بيكتبوا ماأملوه عليهم.
والمحزن والمؤسف «وده سبب هذا البوست لاني مأجل كلامي كله شويه وهاأقولكوا في الاخر ليه» المحزن أنهم يحطوا علي لسان البنات أنهم قالوا « أيوه عملنا كده لان ماحدش بيمثل من غير مايعمل كده مع المخرج أو المنتج وكل اللي مثلوا قبلنا عملوا كده ».
وناشد «يوسف »الصحفيين ووجه لهم هذه الأسئلة وقال يامن تعتبرون أنفسكم صحفيين ألم يكن في إمكانكم أن تراجعوا سادتكم في هذه الجملة البسيطة فقط ولا بيعتبروا أنفسهم ألهة ماينفعش تناقشهم ، ألا تدركون أنكم تبصقون علي الفن المصري وكله وتحولوه لوسط داعر ومنحل.
عايزين تصفوني أنا وتقضوا عليا طاعة لأسيادكم ، ماشي أنا قلت أني ها أتحمل ومعي زوجتي، وأولادي ،وعيلتي ،صابرين علي الأذي لانه قدرنا لكن توصموا الفنانات كلهم والوسط كله، والله أنكم تجهلون ما تقترفوه ولا تدركون قيمة الفن المصري ولا حتي قيمة مصر نفسها .
وأضاف، أيضا مادام البنات ماجبوش سيرة الفن والعمل بالتمثيل وقصروا أقوالهم علي انهم كانوا متجوزني عرفي وإن المجرم هو اللي نشر الفيديو وبما أنكم مالكوش هدف غير تصفيتي أنا يبقي كان لازم تركزوا علي افعالي.
طبقا لاقوالهم وتتهموني بإني «مجنون، ومريض ،ومجرم» كمان وأنا اللي نشرت مثلا، ليه بقه تقحموا الاشتغال بالفن في الموضوع هل اسيادكم قالولكم شوهوا ضمن ماتشوهوه سمعة الفن المصري نفسه.
ما احقر أن تضرب مهنة الاعلام بعرض الحائط بكل قيمها وثوابتها وتساهم بهذا الشكل المنحط في تحقير الفن المصري وكل من يعمل فيه .
ثم أنهي «يوسف» بيانه وقال "مأجل كلامي في موضوعي وتفاصيله لغاية ماأشوف بس هما ناويين يكيفوها إزاي ويوصلوها لفين وايه أخرتها لانهم بيقولوا ان مش دي القضية الوحيدة ولا دول البنات الوحيدين وأن عندهم فيديوهات لمئاتين فنانة « من ضمن برضه التشويه الموجه فعايز بس اعرف التهم اللي هاتوجه ليا هاتوصلني للمؤبد زي ماقالوا في الاول ولا بس عايزني اعترف بعدة زواجات عرفية كده علي شوية علاقات كده من اللي قلبك مايحبهمش.
ويسأل «يوسف» لو عملت كده يبقي كفاية عليك كده ياعم خالد شوهناك ودمرنا نفسية اهلك وعيلتك والمحيطين بيك وعملنالك فضيحة بجلاجل وسلمناك تسليم اهالي للمجتمع وقيمه وماحدش هايقتنع بكلامك تاني وعارض بقه تعديل الدستور ولا ماتعارضش براحتك.
المشكلة أن اللي غايظهم قوي وبرغم كله اللي عملوه أن الناس لغاية دلوقتي لسه بتصدق كلامي حتي اللي مش مقتنع ببرائتي الاخلاقية مقتنع باني عمري مانافقت سلطة ووقفت قبل كده قصاد انظمة وماهمنيش ولا ممكن يهمني من اي بطش، ولا تنكيل لاي نظام مهما كان إجرامه عموما ده مش موضوع البوست ده كل رجائي لوسائل الاعلام الذي تفهم قيمة رسالتها ولايتلقوا اوامر -علي قلتهم وندرتهم - ان يتحروا الدقة ليس فيما يسيئ لي لان ده فقدت الامل فيه لان اللي مكسوفين منهم مما يحدث بيعتذرولي في رسايل وبيقولولي الموجه عالية قوي إعذرنا أرجوهم ان يتحروا الدقة فيما قد يسيئ لأي معني نبيل في حياتنا وعلي رأسها قيمة «الفن ،والفنانين المصريين» ولا تشركوهم ابدا في معركتي ولا يلوث احدا منهم او يطاله رذاذا من هذه المعركة.
