جريدة الديار
الجمعة 29 مارس 2024 08:10 صـ 19 رمضان 1445 هـ
بوابة الديار الإليكترونية | جريدة الديار
رئيس مجلس الإدارة أحمد عامررئيس التحريرسيد الضبع

” آنــــس ” .... شعر لـ ناصر السمطي

يا مصـر

عدي ....على بحر دمي

هنــاك.....

هتلاقي الورد الدفيـــــن

عدي على بحر دمي

هنــاك....

هتلاقي إبنك السجيـــن

ماسك في توب السما

بيشد قيامة المحروميــن

عدي على بحر دمي

هتلاقي أرضك البكـــر

محفـــورة

برموش المجـــروحين

أرويها بدمعك

اللي فاض

من بكا المشتاقيــــن

تنبت .....

كل لحظــة شهيـــد

في عينيه الف ميلاد

ليــوم جـديــد

ولحضنك ....

الف غنوة

فوق العلم نشيــــد

عدي على بحر دمي

وخــدي .....

بأديكي الطيبيـــن

من جراحنــا

من نواحنــا

شعلة النـور والحنيــن

وقيــدي ...

في كل مدنــة صرخـة

في كل ميـدان فرحــة

في كل بيت ذكرى

لكل روح

راحت لرب العالميــن

****