جيلانى كساب يكتب : هالة زايد وزيرة على ما تفرج

فى مصر كل شئ ممكن يحدث ، يعنى مثلا الحكومة ترفع اسعار الكهرباء وتقولك استحمل شوية وماله مش عيب ، تلاقى مرة واحدة الضرائب فى زيادة من غير ما حد يعرف وماله ، لكن وزيرة بالصدفة ، ايوااااااااا وزيرة كانت ممارس عام ومركونه فى الوزارة ، لا بتهش ولا بتنش ، هالة زايدة وزيرة الصحة ، واضح انها كانت بتحلم تطلع مديرة مدرسة اعدادى ، اه والله ، اول لما استلمت قال ايه عملت قرار وزارى بالسلام داخل المستشفيات ، وخذ عندك بقا ، خراب فى المستشفيات ، أطباء طفشوا وطلعوا بره البلد من اسلوبها ، وحاجات تانية كثير ، وامبارح كان قرار غريب وعجيب ، الست هاله زايد قال ايه نقلت المحترم الدكتور اسامه فودة من مدير للتامين الصحى بالقاهرة الى الجيزة ، ليه والله كلنا بنسال ، طيب وبعدين يا ست هالة ، مشروع التامين الصحى طلعتى تشحتى فى مجلس النواب وقولتى معنديش فلوس ، واخذت فلوس الوزارة ودعمت المستشفيات الخاصة ، وبعدين يا هالة لقد نفذ رصيد الشعب .