محمد عثمان جبريل يكتب: أشعااااااار ....

انا عارف انى كورة نار
تلقفيها استحملى
لسع الحرايق
اصلها اقدار
انا عارف انى زى ضل فى النهار
يتشاف لكن ما يتمسكش
مغرى قوى لكن غبار
على سطح املس و الهوى جبار
حبتينى اصبرى اعمار
يمكن فى ليلة اتولد شىء تلمسيه
يمكن الاقى فى هجرتى انصار
كونى انتى مدينتى و رحلتى و نهاية المشوار
تعبان قوى و بنهار
فمتكمليش على
ما فضلش فى مربع غرفتى الا جدار !
انا مش فارس بسيف و بندقيه
انا ثروتى و دنيتى اشعار
اشعاااااااااار