عشتار المثلثة تكتب : روح الحب

روح الحب هوّي العتب ...

بسْ العشق يمحيه الغضب ...

بحبك إي بحبك يا عمري أنا ..

منشان الرب لا تزعل من غير سبب ...

أنتْ العيون بلا حلفان ..

ومافي عيون من غير هدب ...

زعلان بتصالحك بّْوسة شغف ...

تمحي قلق ..

تمسح تعب ..

وشفافك خوابي عسل معتقة ...

ومن شفاف هيمانة جاي قبلك...

ومتل مالموجة تحضن شطها ..

راح ضمك بقلبي ...

وروحي تحضنك...

ونغفى ع لحن الآه والآهات ..

وتوقف كلمة حب ع باب مسمعك ...

الحب! يا روح الروح مانّو عتاب وبسْ..

الحب ضجيج الآه في مخدعك..

تعب الجواب قد ما جاوب سؤال..

بحبك إي وحياة روحك بعشقك ...

#عشتار المثلثة