جريدة الديار
الجمعة 29 مارس 2024 11:10 صـ 19 رمضان 1445 هـ
بوابة الديار الإليكترونية | جريدة الديار
رئيس مجلس الإدارة أحمد عامررئيس التحريرسيد الضبع
التنمية المحلية تتابع تحسين مستوي الخدمات للمواطنين بالمحافظات.. رصف طرق بالغربية ١٥١٣ مواطن تلقوا خدمات الكشف والعلاج بالمجان بقافلة السرو من صحة دمياط التنمية المحلية تتابع تنفيذ مبادرة حياة كريمة والجمهورية الجديدة مصر بتتبني بالمحافظات ..” أسوان” افتتاح استوديو المحتوى التعليمى الجديد بالتعاون مع اليونسكو وهواوى بالأكاديمية المهنية للمعلمين وزيرة التضامن: 60% من مرضى الإدمان يعيشون مع أسرهم دون اكتشاف الوالدين لتعاطي أبنائهم. وصول 8 شهداء لـ مستشفى «الأقصى» جراء قصف الاحتلال منزلًا بمخيم المغازي إصابة 9 أشخاص واحتراق منزل في مشاجرة بالفيوم ... بسبب خلافات الجيرة مصرع شاب في تصادم دراجة نارية بجرار زراعي في الوادي الجديد «القباج» تطلق مرحلة جديدة من حملة «أنت أقوى من المخدرات» للوعي بخطورة الإدمان 4 شهداء وعدد من المصابين جراء قصف الاحتلال لمنزل بمخيم المغازي سوريا.. انفجارات عنيفة تدوي في منطقة مطار حلب الدولي وزيرة التضامن: قضية المخدرات أصبحت خطرًا يُهدد السلم المجتمعي

«جيهان عجلان »تكتب: أنا جيل مظلوم وسط الزحمة

جيهان عجلان
جيهان عجلان

ممكن لحظة اسمع منى نعم أنا جيل مظلوم وسط الزحمة ، بابا وماما ليل ونهار تائهين بلا رحمة ،كل همهما إني أكون متعلم خاص في مدارس ولاد الناس مظهري شيك زى ولاد الناس وزى موضة العصر ما بتقول ، وأنا كل حاجة اطلبها تيجي من غير ليه بس أنا اطلب حتى لو كان طلبي اكبر منهما لازم يجيي ،لما بكون بحب فلان كاتب مشهور ،دكتور مهندس، أو فنان بيكون لي القدوة، بلبس زيه بمشي زيه بأكل زيه، هو القدوة اعمل إيه علموني إن القدوة هي أنى أكون زى فلان وفلان وفلان معرفونيش أن القدوة أخلاق إنسان متلومونيش إني بنزل المول واشترى شميز مرسوم جنان في جنان جماجم أو حتى قرد بودان ، وبنطلون مقطع من اى مكان.

بابا وماما مش معترضين طيب أنت يا عاقل يالي هناك متضايق ليه اخرج منها دا أحنا متفقين حتى الشلة بتاعتي وأصحابي كيوت في كيوت ما يعرفوش غير بابي ومامي، يوم في النادي يوم في الديسكو بابا وماما كل فلوسهم ضائعة على المظاهر قدام الناس ؛عشان نكون قدام الناس أحسن ناس هما كده فهموني، ولا عمرهما على أصحابي أو كلامي لاموني، اعمل إيه مفيش مرة بابا كلمني عن ديني ولا ماما قالت لأختي لازم تكوني حريصة بين الناس خجولة وعندك عفة وإحساس مستورة الموضة مش بالفستان المجسم أو العريان .

ليه تلوموني وتتهموني إني من جيل فاشل ،فى موضة بعيدة عن أخلاقنا وتراثنا ليه تقول لي أحسن ناس لابسين كده محدش قال لي لازم البس الى يناسب ديني وأخلاقي الى يكون عنوان ليه محدش قال حرام وحلال ،سابوني اعمل الى يجيي براسي أو إحساسي من غير خوف ولا خشية من غير أخلاق ولا خجل كل حاجة اعملها بعجل من غير تفكير أو تدبير

ممكن تسمعني أنا عايز إيه يرجعني قولوا لبابا وماما ،قولوا لأستاذ مدرستي، لصاحب كتاب بيكتب رواية يعرفني حكاية منها أتعلم مش اغرق في وهم أفكاري،أو فنان مشهور عامل أجمل دور يكون قدوة لأخلاقي يعرفني قصة منها أتعلم صح مش بلطجة وكلام خارج عن الصح ،و دكتور في منصة علم عالي يعرفني إيه يكون سلوكي في عملي وبين الناس ،يعرفني أن القدوة صاحب العلم والأخلاق الصح ، يوريني أفعال مشروعة أقول مفهومة ومسموعة يعرفني كلام الله ،يخبرني بآيات نواهيه، يعرفني أوامر طاعته ،شرح لي طريق الجنة اروحه منين ،وطريق الشر ملوش رجلين، يفهمني أن الموضة مش في العريان ولا الى تحت الركبة ، و تحت الخصر والى المقطع من كل مكان يعرفني أن الذوق له عنوان والى بشوفه عالم غربي غريب عني وعن أخلاقي ملهوش دين يحكمه ولو كان له دين تلاقيه مكتوب بأيد إنسان بعيد عن أمر ربنا .

أنا جيل محتاج أتعلم الصح محتاج أشوف قدوتي بتعمل زى ما بتقول وتلبس أجمل لبس مش بالرسم والتقطيع لبس يكون ساتر جسمي مش مخلين زى البليتشو الى بالسيرك أكون قد كلامي قبل ما أقوله يعرفني أن في رقيب وعتيد يعرفني إن ربنا بيراقب أعمالي والحراس بتكتب كل فعل وقول ؛عشان هتكون حجة عليا لما أقول معملتش ما قلتش؛ عشان ابني في يوم هيكون زى أبوه هيكون لي يوم راجل يسندني ويحميني ويكون قدوة لوطنه ولدينه .