شكرا للسادة النواب
مجرد حلم مش أكتر شفت
نفسي بتمخطر وأنا هادي
بحكم السن زمان كنت أكيد
اخطر مجرد حلم أنا شفته
وسر في نومي كشفته وكوب
أصفر على عينه بهبلي وعبلي
رشفته شفت الدنيا مش دنيا
وناس حواليا حاجة تانية
وكل اللي احنا فيها في الآخرة ولا
ثانية شفت عجوز بينادي وأنا
لوحدي في دا الوادي بيمليني
وأنا اكتب لحد كده شيء
عادي وقالي اكتب وبعد غياب
الى حضرة السادة النواب لسه
عليكوا مصعبناش كمان اكتب
وادي الأسباب الحكاية تعبنا
من كتر الخدع ناس بتكدب
زي ضراب الودع ناس بتحلف باليمين تحلف كدب في كل
دين حتى شيطانه الرجيم
يقول برئ من دي الخدع كااام
سنة بيخدعوك يا دي الجدع
كاااااام سنة ولا شفنا ميه
في الترع ضحك علينا بالغناوي
وأنا كنت يا واد غباوي
لا وفر لينا علاج ولا حتى كيس كيماوي
اللي تاعبني في سيرتك إني صدقتك في يوم
وكنت دايما رهن شورتك
وبقطع صور الخصور
كنت واقف في اللجان بهتف
ولا سكت لحظة كنت شاطر وابن جان
وعند الفرز عيني جاحظة
ولما قالوا أنت فايز كنت بوزع جوايز
كل دا علشان بحبك
أنا عمري ما قلت عايز
لكن لما تروح وتنسى كل الكلام اللي قلته ومفيش غير لا ولسه وأنا
عنك للناس نقلته فين وعدك
بالمطافي فين كلامك
عالمشافي قلت هبقى عزوة
ليكم هبقى أخ وحضن دافي
شكراً على دي المحاولة بعد
الشرح والمداولة اللي منا
يغني عنا ويبقى ابن بلدنا أولى د ابن بلدي له مزايا
ابن عمي ودمه دمي معايا
في فرحي وف عزايا
عارف فين وجعي وهمي
مجرد حلم يرحني وطمني
وفرحني همشي وراسي لفوق
ولا مكسور ولا محني قمت
سمعت صوت آذان وميه
بتسقي في الغيطان وكل
الناس فرحانه بتهتف مصطفي طه في البرلمان
((مجرد حلم)
) عنتر أغا
