جريدة الديار
الخميس 28 مارس 2024 10:28 صـ 18 رمضان 1445 هـ
بوابة الديار الإليكترونية | جريدة الديار
رئيس مجلس الإدارة أحمد عامررئيس التحريرسيد الضبع
مواصلة تفقد وكيل التعليم بدمياط لسير العملية التعليمية بمدارس دمياط الجديدة وزير الشباب والرياضة يشارك ذوي الهمم بمراكز التخاطب في إفطار جماعي احتفالاً بيوم زايد الإنساني المجلس التنفيذي لليونسكو يصدر قرارا بدعم الدول أعضاء المنظمة لمبادرة AWARe لتقديم المساعدة الفنية للدول الأكثر تأثرا من ظروف الشح المائي وتغير... وكيل مديرية تعليم الدقهلية” تفقد سير العملية التعليمية بإداراتى ميت غمر وأجا” المحافظ ورئيس حزب الوفد في إفطار الحزب بميت فارس محاولات تحفيز وخصومات مختلفة من شركة بيبسي بعد مقاطعتها في مصر مدير التعليم الفني تفقد مدارس إدارة غرب المنصورة التعليمية البحوث الفلكية: الأربعاء 10 أبريل أول أيام عيد الفطر المبارك لمسات إنسانية من محافظ دمياط .. كرمت الأمهات المثاليات على مستوى المحافظه وشاركتهن بمائدة الإفطار الجماعى إيقاف ضابط شرطة عن العمل لتعديه على سائق «توك توك» بالجيزة السكرتير العام المساعد يتفقد قافلة المواد الغذائية المقدمة من جمعية الأورمان والشركة المصرية للاتصالات we ضبط ربة منزل اعتدت جنسيا على طفل ونشرت جريمتها عبر التيك توك

هشام معالى يكتب : الله مَحَبّة..!!

هشام معالى
هشام معالى

(1)

مهما غَار البشر..

والفُجر فيها انتَشَر..

دائمًا الله مَحَبّة !!

مهما ضاقت الدُنيا..

وفَرَمك الهم فى كبه..

هيفضل الله مَحَبّة !!

مهما كفة غِيهُم طَبِت..

وكفوف الوَغى دبِت..

برضو الله مَحَبّة !!

(2)

عيش وابتسم..

مهما سَدوها فى وِشِك..

ومهما قالوا الأمل غَشَك..

ومهما فَكَروا الألم دَشَك..

عيش وابتسم..

ولما يزُوموا فيك..

ويقولوا ربنا يشفيك..

قول لهم الله مَحَبّة!!

(3)

عيش وابتسم..

وأعرف إن الحياة قِسم..

ومهما حُزنك عليك جَثم..

ومهما غِلهم منك خَصَم..

عيش وابتسم..

ولما يضحكوا عليك..

ويقولوا يا عينى عليك..

قول لهم الله مَحَبّة!!

(4)

عيش وابتسم..

مهما ماردوش السَلام..

مهما حَلِلوا لهم الحَرام..

مهما حولوا النور ظَلام..

عيش وابتسم..

ولو جُم يسخروا منك..

ويقولوا عيب على سنك..

رد وقول الله مَحَبّة !!

---------------------

(5)

عيش وابتسم..

مهما شِمتوا فى دموعك..

مهما حلموا بخضوعك..

مهما ما استنوش رجوعك..

عيش وابتسم..

ولما يردوا ودك بِزُوف..

ويقولوا عليك مَهفُوف..

قول لهم الله مَحَبّة !!

(6)

عيش وابتسم..

مهما جَحَدوا مَعرُوفك..

مهما سَودوا لك ظرُوفك..

مهما سَخروا من حرُوفك..

عيش وابتسم..

وأعلم إنك مش ضَعيِف..

ولا طيبتك مرض سَخيِف..

عشان لسه جواك إنسان..

وضميرك حى بكل أوان..

وبتحب ناسك بكل الألوان..

فلما تعمى البصائر والأبصار..

ويقولولك أهو ده اللى صار..

رد وقول الله مَحَبّة !!

(7)

عيش وابتسم..

مهما بِعدوا هما الخسرانين..

مهما خَانوا عِشرِة السنين..

مهما كابروا وقالوا إنت مين؟!

عيش وابتسم..

ما تتغيرش عشان تِرضيهم..

ما تبقاش فَظ وقاسى زييهم..

وإعلم ان ربك رب قلوب..

قلوب بتحب مفيهاش ندُوب..

قلوب بجد مش قوالب طوب..

ومهما اتريقوا عليك وافتروا..

وكادوا ونموا عليك ونَظَروا..

رد وقول الله مَحَبّة !!