حوار خاص مع الطفلة ريم عبد القادر لأول مرة عن كواليس مسلسل ”شاهد عيان” و مشوارها في التمثيل
ريم عبد القادر ممثله متعددة المواهب استطاعت أن تبهر الجميع بأدائها ، حيث حققت قفزة كبيره في مسيرتها الفنية ، وتمكنت من اثبات موهبتها بتنوع ادوارها ، فقد قدمت ادوار مركبه ، وأيضا تمكنت من تأديتها ببراعه، كذلك شاركت في عديد من الأعمال الهامه منها مسلسل لمعي القط ، مسلسل قمر هادى ، مسلسل سك علي اخواتك ، ضد مجهول ، طلقه حظ ، مسلسل هربانه منها ، وتعيش ريم الطفله المعجزة حالة من النشاط الفني ، حيث تشارك في السباق الرمضاني الحالي و لفتت الأنظار إليها في مسلسل " شاهد عيان ".
و حرصت جريدة " الديار" علي إجراء حوار معاها ، للوقوف علي تفاصيل مشاركتها ، وردود الأفعال والمزيد من التفاصيل في الحوار التالي :
* عرفينا بنفسك ؟
ريم عبدالقادر عندي ٧ سنين في kg2 .
*مين نمى موهبتك، مين شجعك ؟
الموهبه نمت بالممارسه عشان عملت اكتر من ١٥ دور بين مسلسلات ، و افلام وانا بمثل ونا ٤ سنين .
*الفرصة بتيجي ازاي انك تبقي موجوده في اي عمل فني ؟
في الاول كنت بروح auditions و بعد كده الحمدلله بقيت معروفه عند كتير من المخرجين والمنتجين فبقو يرشحوني كل ماييجي دور مناسب .
* ما اسباب اختيارك للمشاركة فى " مسلسل شاهد عيان " ؟
في مسلسل شاهد عيان الدور كان اصلا مكتوب لولد بس ملقوش طفل مناسب يأدي الدور واستاذ محمود سليم المخرج المنفذ اقترح على استاذ محمد حماقي مخرج العمل انه يخلي الدور لبنوته لانه عندو بنت مناسبه اللي هي ريم .
* من الذى رشحك لهذا العمل ؟
رشحني استاذ محمود سليم اللي كان برضو مخرج منفذ في مسلسل قمر هادي وانا بشكرو طبعا على ثقته بيا .
*كيف كانت علاقتك بالمخرج ؟ علاقة حلوه وبيحبني اوي وقبل المشهد بيجيلي وبنذاكر المشهد مع بعض ودايما بيقولي "ياحلوة الحلوين" .
* مين مثلك الاعلي في التمثيل ؟
بحب هند صبري جدا ، وبحب هاني سلامة ، وعلي ربيع ، ومحمد امام ، و مصطفى خاطر وحسن الرداد ، وكل الممثلين اللي اشتغلت معاهم .
* ما هى الاكلة اللى بتحبيها ؟ اكتر اكلة بحبها مكرونة بالبشاميل .
