أحمد فلوكس يستعين بفيديو قديم للفنان أحمد مكي : ابعدوا الناس عن حياتكم
نشر الفنان أحمد فلوكس على حسابه الشخصي عبر مواقع التواصل الاجتماعي تبادل الصور والفيديوهات إنستجرام فيديو قديم للفنان أحمد مكي أثناء مقابلة صحفية له .
كتب فلوكس علي الفيديو :"احذروا الكلام ده صح جدا .... بلاش ناس ... ابعدوا الناس عن حياتكم ... عن نجاحكم ... عن تعبكم ..عن حبكم و عن اللي بتحبهم .... عن علاقتكم ... عن كل حاجه بتحبوها و تخصصكم".
استكمل فلوكس :" علشان لما الناس بتخش او تدخل أو تكون حواليك هما بيكون سبب الدمار وعند الجد مش هاتلاقيهم ..... عاوز تحافظ علي حبيبتك ... علي بيتك .. علي أولادك ... علي أمانك ... علي مكانتك ... علي نفسك ..علي نجاحك علي شغلك ... علي علاقاتك.
اختتم فلوكس:" ابعد عنها الناس.... لإنهم هايدمروها و يدمروك و يقفوا يتفرجوا ....وهتلاقي نفسك بتخسر كل حاجه ،، حبيبتك ،،، مستقبلك ،،، حياتك ... أهلك ..شغلك .
كل حاجه .علشان هاتتوجع و في الآخر مش الناس اللي بتدفع التمن ... انت اللي هاتدفع التمن مش حد تاني .......عن تجربة. يذكر أن من قبل نشر الفنان أحمد فلوكس علي حسابه الشخصي بوست يطلب فيه من الصحفيين عدم التدخل في حياته وقدم اعتذار للإعلامية ديالا مكي وقال إنها احسن حد في حياته.
الجدير بالذكر أن آخر أعماله فيلم الممر بطولة أحمد عز وأحمد فلوكس وأحمد صلاح حسني وأحمد رزق واسماء أبو اليزيد وهند صبري من إخراج شريف عرفة.
