الدكتور جمال شعبان ناعيا أحدى ابطال معهدالقلب

نعى طبيب الانسانية كما اسماه ابطال معهد القلب اثناء توليه معهد القلب؛ الدكتور جمال شعبان استشار القلب؛ هدي صلاح، إحدى شهيدات كورونا من أبطال تمريض معهد القلب القومي، قائلا : «إنا لله وإنا اليه راجعون، مشهد حزين جديد، يا ريت يكون الأخير، من مشاهد كوڤيد».

وتابع شعبان عبر صفحته على فيس بوك: «الكفاءة والإخلاص والتفاني والرحمة في ثوب إنسانة، وفي تسجيلها الصوتي الأخير، استودعت أطفالها الرضع عند الله»

كما قال "شعبان" ان هدي صلاح حكيمة عمليات جراحة القلب بمعهد القلب شهيدة كورونا النهارده رسالة أخيرة خاصة جدا ، ارسلتها لزملائها وإخوتها أعضاء الفريق الطبي بالمعهد من أطباء وتمريض وإلي أسرتها الشخصية قبيل وفاتها وهى كالتالى:

السلام عليكم انا هدى صلاح اولا أنا في الرعاية على التنفس الصناعي CPAP ومبسوطة أن التليفون دخل لي وشكراً لكل من ساعد في دخوله وأنا في حالتي دي علشان أعرف أشكركم جميعاً رغم إن الكتابة صعبة أوي بس لازم اشكركم جميعا لاهتمامكم وكل ما عملتوه لعلاجي مبسوطة لما سمعت صوت د راندا في اسبيكر تليفون مدير مستشفى العزل علشاني الحمدلله على كل حال الحمد لله علي قضاء الله . رغم إني سمعت في مرور الدكاترة النهارده اني عايشه على ٧ في المائة من الرئة يعني الأنفاس اللي باقية معدودة والعد التنازلي لمغادرة الدنيا بدأ بس الحمد لله يمكن معرفش أكتب تاني يمكن ما أعرفش أشوفكم تاني علشان اشكركم بس الحمد لله سامحوني ما ب أعرفش أرد عليكم علشان ال التنفس الصناعي CPAP . كان نفسي أدخل ابني المدرسة سامحني يا سيف يابني الصغير أول سنة السنة دي كان هيدخل المدرسة كان نفسي ادخله أول يوم في أول سنة له في المدرسة و أجيب له لبس المدرسة زي إخوته . مش مهم ما عرفتش أجيب له لبس العيد معلش يا ابني مش كل عيد لبس جديد علشان الظروف يابني لكن المدرسة معلش لو مقدرتش والموت خدني منك . سامحني يا يوسف ابني الكبير خامسة ابتدائي لو مقدرتش المرة دي كمان مفيش كورة ولا نادي . كان نفسه اعيش وأشوفك تبقي دكتور . وياسين ابني رابعة ابتدائي اكيد لو الموت سابقني اكيد اخواتي في المعهد هيسألوا عليه في مدرسة ابن خلدون معلش يا أمي ويا أبي أنا الكبيرة بس غصبا عني اكيد ربنا موجود معاكم من بعدي شكرا لكم

اقرء ايضا مفتى الجمهورية يبين حكم المكوث فى الكعبة بعد طواف الوداع