بعد إستبعاده من المسلسل..سامي مغاوري يشكو من أخلاقيات المهنة
أعرب الفنان سامي مغاوري عن إستيائه الشديد من أحد المخرجين وذلك بعد إستبعاده من أحدى الأعمال الدرامية دون إبداء سبب واضح، وإنساب الدور إلى أحد الفنانون أن يقوم بدوره بالمسلسل.
كما أشار مغاوري عن حزنه بما أصيب أخلاقيات المجال الفني حالياً.
وكتب "مغاوري" عبر حسابه الشخصي بموقع الصور والفيديوهات إنستجرام قائلاً:." صباح الخير عليكم افضفض معاكم شويه انا واحد من جيل الممثلين السابق من زمن مضى بحلوه ومره ومع ذلك ماباحبش اقعد اقارن بين زمنا والزمن دلوقتي لا اقول شوفوا تمثيلنا من تمثيلكم ولا درامتنا من درامتكوا لأن كل زمن له جماله وعناصره وظروفه وبتجاوز في احيان كتير عن اهدار حقي او عدم تقديري المادى والمعنوي وباقول المهم الفن وشغلك والناس اللي بتحبهم وبيحبوك".
وتابع الفنان قائلاً:." وعلي سبيل المثال مسلسل حايتعرض وانا من ابطال العمل وبعدين مالاقيش اي تنويه عن وجودي في العمل لابوست ولا بوستر ولا حتي اسمي في اي خبر باسكت مضطر وباتمنى النجاح للعمل وبتبقى دى كل امنياتي، لكن مايتعلق باخلاق المهنه ماباسكتش وصوتي بيعلي وعلي سبيل المثال لما منتج فني يكلمك فى عمل وبعدين المخرج يكلمك ويقول فيك شعر وييجي اوان التفاق علي الفلوس فتطلب الرقم الغلبان اللي بيزق الحياه معاك فتلاقى مدير الانتاج جاتله صدمه فتقعد تتفاوض معاه".
واستطرد الفنان " ويقولك طيب انا حارجع للشركه وارد عليك وتستني ٣ او ٤ ايام وبعدين تلاقي خبر علي الفيسبوك باسماء الابطال وفيهم الممثل اللي جابوه مكانك من غير حتى ماحد يكلمك ويعتذرلك حتي انك مش موجود معانا للاسف اوخيرها في غيرها انا بقي اسمي اللي بيحصل ده ايه؟ حاتعمل ايه لما وشك ييجى في وشي؟!، عموما الايام بيننا بس في زماننا بقي ماكانش ده ممكن يحصل".
حنان مطاوع في يوم بعيد عن الروتين
منتخب البرازيل-المصري-المولد النبوي الشريف 2020-منتخب الجزائر-سمير صبري-سوريا-Rafael Nadal-اللواء عادل سليمان-تنسيق الأزهر 2020-منتخب تونس
