عبد الباسط حمودة يثير الجدل في ”العرافة” بهذه التصريحات
أوضح عبد الباسط حمودة رأيه حول أزمة نقابة الموسيقيين مع حمو بيكا وحسن شاكوش ، خلال حواره مع الإعلامية بسمة وهبة خلال برنامجها "العرافة" المذاع على شاشة "المحور" : "غنوا خمور وحشيش وده لا يليق، وعمري ما أبقى نقيب، لأن ده انتحار وهتبعدني عن شغلي".
وحول بعض الأمور التي لا ترضيه في الوسط الفني، تابع حمودة: "النقابة المفروض تتمسك شوية والفن المتبعزق يتلم شوية، ولازم الأستاذ هاني شاكر ياخد موقف ضد الأغنية الهابطة واللفظ الخارج، لا يمنع الأغاني دي".
و قال المطرب الشعبي عبد الباسط حمودة، إنه كان طامعًا في أغنية "راحوا الحبايب" التي غناها أسطورة الأغنية الشعبية أحمد عدوية، موضحًا: "كنت طمعان آخدها بس الأسطورة غناها".
قال المطرب الشعبي عبدالباسط حمودة، إنه لا يشعر بالغيرة من أي مطرب شعبي، موضحًا: "أنا ثابت مكاني على الكرسي وكله بيقلد عبدالباسط، أنا قاعد في مكاني ورزين ومفيش واحد يهزني، كله يقلدني وأنا مقلدش حد".
و أضاف : "اسألي شيبة يقولك ده عمنا، وحكيم بيقول إني من أحسن الأصوات اللي جابتها مصر، أنا قصة تانية وموضوع تاني.. سموني العفريت وفريد شوقي والحكمدار والوحش".
وتابع عبدالباسط حمودة: "عمرو دياب من الناس اللي شقيت معانا، ويستحق لقب الهضبة، بس لو هو الهضبة فأنا الحكمدار، وكل واحد له لقب".