محمد التاجي : فاتن حمامة كانت بتعمل فن بجد
تحدث الفنان محمد التاجي عن ذكرياته مع الفنانة فاتن حمامة، أثناء مشاركته بالعمل معها، في فيلم "أرض الأحلام" مشيرًا أن الراحلة هي من رشحته لهذا الدور
كما كشف في تصريح صحفي ، قائلًا: "من حُسن حظي أني اشتغلت مع العظيمتان فاتن حمامة وسعاد حسني، واشتغلت مع فاتن في فيلما الأخير أرض الأحلام، وهي اللي اختارتني فيه ومكنتش مصدق، وسألت القائمين على العمل، الست فاتن هي من اختارتني؟ قولتلهم أزاي هي تعرفني؟"
وأضاف محمد التاجي: "كانت ست كُفء، العالم دي كانت بسيطة جدًا، أول ما شوفتها في اللوكيشن، قالتلي تعالي يا محمد تعالى نحفظ المشهد قبل ما تدخل تعمله كانت عايزة تخف الرهبة ما بينا،غي ناس دلوقتي بتدخل اللوكيشن مابتسلمش على بعض، الست فاتن كانت مُدرسة تمثيل، كنت باخد دروس منها وهي بتمثل، كانت بتّعلم فن بجد"
يذكر أن الفنان محمد التاجي قد تعرض لأزمة صحية في الفترة الماضية، أدت إلى خضوعه لعملية جراحية، ولكنه غادر المستشفى بعد أن اطمئن الأطباء على حالته الصحية.
