أحمد سعد :هبطل خناق لما علياء تعرف تطبخ

داعب الفنان أحمد سعد، زوجته علياء بسيوني، خلال حوارهما مع الإعلامية بسمة وهبة مقدمة برنامج "90 دقيقة"، الذي يعرض عبر شاشة "المحور"، بعدما اعترفت بوجود بعض الخلافات البسيطة بينهما في بداية الزواج.  

وقال سعد: "كل المشاكل بتيجي من عندها، انا جوجل، أنا اسم على الفاضي"، لترد مقدمة البرنامج ممازحة: "صلوا على النبي إحنا جايين نهدي النفوس".  

وعلقت زوجته مدافعة عنه بسبب الانتقادات التي يتعرض لها جراء فشل علاقاتها العاطفية خلال السنوات الماضية وما صاحبها من أزمات: "أحمد لو كان وحش، كان هيبقى له رد فعل في أي حاجة في المشاكل اللي حصلت، مش معقولة دايما القصة تبقى من طرف واحد، مش معقولة المشاكل كلها تيجي من طرف واحد، في جانب مفقود من القصة، ولو كان وحش كان رد ودافع عن نفسه". 

بدوره قال أحمد سعد: "عشان أقدر أتقدم في حياتي مبقتش أشوف مشاكل في حد تاني، بقيت اشوف عيوبي أنا بس، عيوب الآخرين بتاعتهم، عشان أقدر أرتقي بنفسي، لكن مينفعش أبقى عايش في مظلومية وشماعة". 

وأشار سعد، إلى أنه يحرص على مصالحة زوجته بعد كل مشكلة تنشب بينهما، لترد عليه بسمة وهبة قائلة: "ده بيكبرك مش يصغرك لأن الراجل المفروض يبقى الصدر الحنين". 

وواصل أحمد سعد: "مبتعرفش تعمل حاجة في البيت خالص، ولما بتجيب أكل من التلاجة بيبقى وحش، جيبنا كل حاجة في البيت ومجبتش البوتاجاز عشان صحتي وسايب مكانه فاضي، لأنها حالفة إننا لو جيبنا البوتاجاز مش هاكل بره .. طيب أموت نفسي؟!".