محمد موسي مهاجماً حمو بيكا: شايف نفسه إنه أكثر كفاءة في الغناء

علّق الإعلامي محمد موسى على هجوم مؤدي المهرجانات حمو بيكا على الفنان محمد رمضان، قائلا إنه أمر مضحك أن يصف نفسه بـ"نمبر وان".

 وكان حمو بيكا قد قال في وقت سابق، "أنه أهم مطرب مهرجانات في مصر هو حمو بيكا، وأنه صانع البهجة والابتسامة على وجوه الناس، وأن الفنان محمد رمضان بيأدي كويس، ومش بالصوت هو مؤدي، ومتكلمنيش عن واحد عنده في قناته 15 مليونا، استخدم الفانز بتاعه بتاع التمثيل للغناء، تعالى نديله قناة من الصفر ينزل عليها أغنية، وأنا قناة من الصفر أنزل عليها أغنية، هنا نحكم".

وأضاف محمد موسى خلال تقديم برنامج "خط أحمر" على قناة الحدث اليوم، "أن حمو بيكا شايف نفسه إنه أكثر كفاءة في الغناء، ويحقق نسبة مشاهدات أعلى من محمد رمضان، وأنه هو بيمول الأغنية بتاعته بفلوس عشان تركب الترند، ومشاهداته نصها فيك، لكن إحنا مش بنمول بفلوس.. أومال بتمول بأيه ياحبة عيني بجبس".