بالفيديو.. المية السخنة على الباكتات الجاهزة كارثة (تفاصيل)

كشف أحد الأطباء، خطوة احتساء المشروبات الساخنة المجهزة من مكونات، معبأة على هيئة "فتلة"، لما لها من ضرر كبير على الصحة.

وظهر الطبيب في مقطع فيديو، يوضح خطورة إعداد المشروبات الساخنة، اعتمادًا على هذه الطريقة.

مشروبات الفتلة

وقال: أي عشب سواء كان شاي أو ينسون أو كركديه، اللي هو عبارة عن فتلة، فبنقول أرجوكم غيروا عاداتكم دي وتوقفوا عن شرب أي شيء فتلة".

وأكمل: "طب لو مكانش في حل تاني نعمل ايه؟، يعني لو مفيش غير الفتلة، في الحالة دي نفضي المكونات بتاعة الفتلة في الكوباية، وبعدين نصب عليها المية السخنة".

مادة مسرطنة

وأوضح: "نزول المية السخنة على الفتلة اللي هي متبيضة بمركب الدايوكسين خطر، لأن المركب ده عند درجة حرارة 70 مئوية بيتحول إلى مادة مسرطنة، واحنا بنصب عليه مية درجتها 100 مئوية".

وتابع: "من فضلكم نبطل العادة دي على قد ما نقدر، أو نشتري الحاجة سايبة، أو نفضي الباكت قبل ما نحط عليه المية السخنة".