رسالة نارية من عمرو محمود ياسين للشامتين في صلاح

كتب الكاتب والسيناريست عمرو محمود ياسين رسالة للشامتين في محمد صلاح نجم المنتخب المصري وليفربول بعد هزيمة الفريق أمس في بطولة دورى ابطال اوروبا وذلك عبر صفحته الشخصية على موقع التواصل الاجتماعي فيسبوك.

وقال ياسين: كل واحد شمتان في صلاح انا شايفه شخص تافه وحقود وبس انا بعتبر صلاح ده زي اخويا الصغير اللي رافع راسنا، وعمل المستحيل اللي ما يخطرش علي بال حد بحبه عشان رفع اسم مصر واسم شباب مصر في الرياضة الاهم بالعالم عشان كده حتى وانا مدريدي عايز صلاح يكسب لاني بحسه اخويا الصغير!

وتابع: بفرح بيه وافتخر بيه ياسيدي شجعت مدريد اوك ماشي دي مشاعرك انت حر لكن بتشمت في صلاح ليه وهو منك وطالع من وسطينا ؟؟

وانهي ياسين رسالته قائلا: ربنا يشفي الناس الحقوده اللي قلوبها سودا بقوا كتير قوي و بقوا حوالينا في كل مكان .

الجدير بالذكر أن فريق ريال مدريد قد توج بلقب دوري أبطال أوروبا للمرة الـ14 في تاريخه، بعد فوزه بنتيجة 1-0 على نظيره ليفربول الإنجليزي، خلال المباراة التي جمعت الفريقين امس على ملعب دي فرانس في نهائي دوري أبطال أوروبا للموسم الحالي.