آمال ماهر تكشف كواليس غيابها: «بيجيلي ضيق نفس»
قالت آمال ماهر في أول ظهور لها، إنها بخير وبعتذر لجمهوري، مشيرة إلى أن سببق اختفائها الفترة الماضية بسبب اصابتها بفيروس كورونا .
أضافت أمال ماهر خلال مداخلة هاتفيه مع الإعلامي رامي رضوان ببرنامج «مساء»dmc»: «أنا بعتذر للجمهور اني مظهرتش ولكن بسبب تعبي، وكان بيجيلي الفترة اللي فاتت ضيق نفس، والحمد لله دلوقتي بقيت كويسه، ودلوقتي بقيت أنا والكورونا بقينا صحاب«
وتابعت: «أنا عايزة اطمن الجمهور واقولهم أن الصور دي قبل ما تنزل على الصفحة بيومين بس، ومكونتش بتابع لاني كنت تعبانه جدا»
كانت المطربة آمال ماهر طمأنت جمهورها بعد مزاعم حول اختفائها وتعرضها لمكروه. وقالت أمال ماهر في مقطع فيديو، الأربعاء: «جمهورى وأهلى أنا بخير الحمد لله، حبيت أطمنكم عليا، معلش الفترة اللى فاتت مكنتش قادرة أتواجد معاكم، كان عندى كورونا بس الحمد لله خفيت وحبيت إنى أطمنكم عليا».
وأضافت: «ألف شكر أنا حقيقى ممتنة لكم الحب والخوف اللى شوفته ولمسته.. الحمد لله ودا إن دل على شيء يدل إن ربنا راضى عنى، بعد ما شفت كم الحب الهائل والكبير، أنا بشكركم من كل قلبي جمهورى العربى وبحب أهنئ الشعب المصرى بمناسبة ثورة 30 يونيو، كل سنة وانتوا طيبين، أنا بخير الحمد لله.. انتظرونى قريب».
