السيسي يستجيب لمناشدة مواطن ويوجه بإجراء عملية قلب مفتوح له

عرضت الإعلامية عزة مصطفى، خلال برنامج "صالة التحرير" المذاع على قناة "صدى البلد"، حالة إنسانية من محافظة كفر الشيخ للمواطن فايز فاروق حلمي الذي يعاني من مشكلات في القلب وبحاجة إلى عملية قلب مفتوح.

وقال فايز حلمي: "اكتشفت أن عندي مشكلات في القلب من 30 سنة وقتها قالوا لي عندك حمى روماتيزمية وبدأت آخذ حقن من سنوات وفيه دكاترة قالوا لي طالما سنك عدى 20 سنة ما ينفعش تاخد الحقن، وبعدين بالوهم والإيحاء بقيت أحس بقلبي واجعني على طول وروحت لدكاترة كتير من 5 سنين لحد لما اكتشفت إن عندي ضيق في صمام الميترالي والأورطى وضعف عضلة القلب".

وأضاف: "أنا دلوقتِ عايش بأدوية وحبوب السيولة بس أنا محتاج عملية قلب مفتوح والكل بينصحني بتعجيل العملية لضعف عضلة القلب".

وتابع: "أنا تعبت وبقالي سنين بعاني ومبعرفش أمشي خطوتين وبيجي لي الأزمة ومبعرفش أخد نفسي".

ولفت: "قالوا لي عملية القلب المفتوح هتتكلف من 200 إلى 250 ألف جنيه وأنا حالتي المادية ما تقدرش على كدا وعندي أسرة مكونة من 4 أفراد".

واستجاب الرئيس عبد الفتاح السيسي لمناشدة المواطن فايز حلمي، موجهًا بعلاجه عن نفقة الدولة.

وعلق فايز حلمي على استجابة الرئيس السيسي له، قائلًا: "أنا عارف وواثق من سرعة استجابته لأن عمره ما هيرجع حد أبدًا ولا يستحمل على مواطن مصري أن يبقى تعبان ويسيبه، وربنا يخليك لينا يا ريس ونفسي أتطوع لخدمة مصر بعد العملية".