كامل الوزير: لو توقفت المشروعات القومية احنا هنجوع (فيديو)

قال المهندس كامل الوزير وزير النقل:"لو توقنا في تنفيذ المشروعات القومية احنا ممكن نجوع، والعمال هتاكل منين لو توقفت تلك المشروعات اللي بنفذها".

وتابع خلال مداخلة هاتفية ببرنامج "اَخر النهار" المذاع علي قناة "النهار":"مستمرين في تنفيذ المشروعات القومية بشكل سريع علشان احنا بلدنا مش حمل انها تتوقف، قطار التنمية منطلق ولو توقف هنجوع".

وأضاف: "مشروع القطار السريع يعمل علي تنفيذه حوالي 50 شركة كبيرة ومنها سيمنز والمقاولون العرب وأوراسكوم، وهناك 100 شركة تعمل في الحفر، وهذه الشركات تشغل لا تقل عن 10 مهندس وعامل وفني، أي 10 اَلاف اسرة بيوتها مفتوحة بفضل المشروع، ازاي بقى نقدر نوقفالمشروع؟".

وتابع: "كل مشروع بننفذه بيكون بنصف تكلفة العام المقبل، وكل لما مشروع بيدخل الخدمة نجني ثماره بيشغل ناس ويفتح بيوت ناس ويسهل علي ناس".

وأشار: "محطة عدلي منصور التبادلية حصلت علي افضل مشروع نقل في العالم لسنة 2022، ونتوقع أن تحصل محطة بشتيل علي افضل مشروع نقل لعام 2023، ومحطة العاصمة المركزية الخاصة بالقطار السريع ستحصل ايضا علي افضل مشروع نقل عالميا".