المدام بتتباس .. رانيا يوسف تعاير محمد مختار بماضي نادية الجندي

أثارت الفنانة رانيا يوسف ضجة واسعة بتصريح صادم عن النجمة نادية الجندي ردًا على تصريحات طليقها المنتج محمد مختار حول ارتداء ابنته الكبرى منها، ملابس جريئة خصوصًا فستان البطانة الشهير الذي أطلت به على خطى والدتها خلال حضورها فعاليات مهرجان القاهرة السينمائي.

وعلقت رانيا يوسف على مقطع فيديو من لقاء طليقها محمد مختار، كانت نشرته أسما إبراهيم عبر حسابها الرسمي بموقع تبادل الصور والفيديوهات "إنستجرام"، يوثق تصريحاته في البرنامج وهو يعبر عن مدى استيائه الشديد من ظهور ابنته الكبرى بفستان البطانة الذي ارتدته والدتها سابقًا وأثارت حينها موجة جدل واسعة تصدرت بها ترندات مواقع التواصل الاجتماعي لأيام متتالية.

وقال محمد مختار: "زعلت أوي لما شفت بنتي طالعة في مهرجان القاهرة بنفس فستان البطانة بتاع والدتها، الأب بقى مش من حقه يعمل أي حاجة مع بناته معاه يصرف وميفتحش بقه وإلا هيتضرب بحاجات وحشة أوي خلاص القوانين كلها بقت مع المرأة وبقت بتاعتكم مبروك عليكم الأب ملوش لا حضانة و لا مدرسة ليه يعني، ولسه قوانين طالعة جديد هيقرها مجلس الشعب يا خوفي الزواج يقل".

وردت عليه رانيا يوسف بسخرية في إشارة للملابس الجريئة التي كانت تظهر بها زوجته "في ذات الوقت" النجمة نادية الجندي، وموافقته عليها من أجل مصلحته الشخصية ونجاح الفيلم، إذ قالت: "ولما المدام مراتك كانت بتتباس وتقلع في الأفلام وعلى طول بالبيبي دول مكنتش بتزعل؟؟ مش دي بردو المفروض إنها شرفك وعرضك ولا علشان كنت مستفيد؟!".

وفتحت رانيا يوسف النار على طليقها المنتج محمد مختار وقالت : "فاشل وكداب زي اللي بعتاك" .

كما علقت رانيا يوسف على مقطع فيديو من لقاء طليقها محمد مختار، كانت نشرته أسما إبراهيم عبر حسابها الرسمي بموقع تبادل الصور والفيديوهات "إنستجرام"، يوثق تصريحاته في البرنامج وهو يكشف عن مستندات للمرة الأولى تؤكد أنه ينفق على بناته منها طوال الفترة الماضية، ومن بينها مصاريف المدارس والجامعات بجانب الطعام والشراب.

وقالت رانيا يوسف: "الحقيقه أنا مقامي أكبر من إن الواحد يرد على واحد زيك.. الافات.. لطيف إن الواحد يكذب ويصدق نفسه طول عمرك ممثل فاشل واللي بعتاك تقول الكلام ده أفشل منك".

وكان المنتج محمد مختار كذب تصريحات طليقته رانيا يوسف بالمستندات والوثائق خلال لقائه مع أسما إبراهيم، وكشف عن حجم المبالغ التي يدفعها شهريًا لقضاء حاجتهم، قائلًا: "ولادي قبل ما يسافروا إسبانيا كانوا في مدرسة إنترناشونال وأنا كنت بدفع مصاريفها، أكتر من 2 مليون جنيه، وبدفع مصاريف أكل وشرب بس 15 ألف جنيه شهريصا لبناتي، والمحامي بتاعها قالي حطلنا الفلوس دي في الحساب ده، وكله معايا بالوثائق والمستندات".

وأضاف محمد مختار: "معايا مستندات فيها ختمي وبصمتي وحزين إني طالع أقول كدا، وهى قالت إني مش بصرف على بناتي، لكن أنا معايا ورق رسمي ومستندات، تثبت إن اللي قالته غلط، وكمان ببعتلهم 800 ألف للتعليم بس".

واختتم محمد مختار تصريحاته مهاجمًا رانيا يوسف، إذ قال: "أنا على مدى 5 سنين مردتش عليها ولكن الموضوع زاد، وأنا اديتها كل حاجة أعمل إيه تاني، كل اللي أتطلب مني دفعته، وبحولها الفلوس كل شهر، قبل القضايا وبعدها، وعملنا بند عند المحامي فريد الديب إننا منتكلمش عن حياتنا الشخصية، اللي اتقال عليا كتير وعمري ما فتحت بوقي".

وردت رانيا يوسف على طليقها مجددًا ساخرة من تصريحاته: "يعني معاك 15 ألف، ومعاكش مستندات بفلوس المدارس اللي بتدفعها؟! الـ 15 ألف دول تصرفهم على القطط اللي بتأكلهم في الشارع".