وزارة الأوقاف: احترام السائح واجب وطني ويعكس صورة مصر الحضارية

قالت وزارة الأوقاف، إن احترام السائح دعاية حقيقة للبلد، مشيرة إلى أن الضيف له مكانة وله احترام وله واجب الكرم.

وأضافت عبر فيس بوك: لما حد ييجي بلدك بيكون ضيف والضيف له مكانة له احترام وله واجب الكرم، السائح اللي بيزور مصر، مش جاي علشان نعامله بجفاء أو نستغله ده جاي علشان يشوف بلد عظيمة، بلد حضارة، وتاريخ، وأخلاق..

وواصلت: تخيل لو كل سائح رجع بلده وهو شايل في قلبه صورة جميلة عن مصر؟، هيحكي عنها بحب، وهيرجع تاني، وهيجيب معاه ناس كمان وساعتها مصر تكبر أكتر في عيون العالم، متابعة: احترامك للسائح مش مجرد تصرف راقي، ده في الحقيقة دعاية حقيقية لبلدك.

وأكملت: بابتسامة، بكلمة طيبة، بمساعدة بسيطة، افتكر دايمًا، تصرفك مع السائح مش بيعبر عنك لوحدك، ده بيعبر عننا كلنا، عن بلد اسمها: مصر.

فيما، حدَّدت وزارة الأوقاف موضوع خطبة الجمعة القادمة 3 من أكتوبر 2025، الموافق 11 من ربيع الآخر 1447هـ، بعنوان: شرف الدفاع عن الأوطان.

وقالت وزارة الأوقاف: إن الهدف من هذه الخطبة هو التوعية بوجوب وشرف الدفاع عن الوطن والعرض.