كنت رايح اعمل اشاعة على عيني والتباع زقني وقعت على ضهري
شوفنا كلنا الفيديو بتاع عم فوزي واتأثرنا بيه وفي أول تعليق على اللي حصل قال انه ساكن في محافظة الدقهلية وكان رايح يعمل أشعة على عنيه الصبح بدري، لإنه مش بيشوف كويس.
وبمجرد ما شاف الميني باص قال يركب فيه.. بس اتفاجئ إن التباع زقه وقاله اركب ميكروباص تاني ووقع على ضهره في الشارع زي ما هو واضح في الفيديو المنتشر على السوشيال ميديا.
الصادم اكتر في الفيديو إن في ناس بدال ما تساعد عم فوزي راحوا ضحكوا عليه وهما بيتفرجوا..
مش لازم نبقى أغنياء علشان نساعد، ولا أقوياء علشان نرحم..
