امن البحيرة كشف المستور في واقعة فيديوهات الابتزاز لسيدة بكفر الدوار

كشف امن البحيرة المستور في واقعة فيديوهات الابتزاز لسيدة بكفر الدوار ..

كان هناك واقعة قد اشغلت السوشيال ميديا الساعات الماضية .. واخيرا كشفت وزارة الداخلية الحقيقة ورا فيديو لست ادعت إن موبايلها ضاع واللي لقاه بيساومها بلقطات خاصة ..

في البداية كان هناك فيديو انتشر لسيدة تقول إن موبايلها ضاع منها .. وواحد "ابن حلال" لقاه وبدل ما يرجعه ظل يقلب في الصور والفيديوهات وابتزها مادياً ونشر صورها بمركز كفر الدوار في البحيرة ..

إلا ان تحريات الأمن جابت من الآخر

وأجهزة الأمن بـالبحيرة لما فحصت الواقعة ..

لم تجد أي بلاغات رسمية بهذا الكلام وبالبحث حددوا السيدة وهي "ربة منزل - مقيمة بكفر الدوار" .. وبمواجهتها .. تغير مضمون الكلام واعترفت بالحقيقة المرة:

مفيش موبايل ضاع: مفيش سرقة ولا حاجة ..

الحكاية إن كان فيه "علاقة" بينها وبين شخص من مركز أبو حمص ..

اعترفت إنها هي اللي بعتت الصور والفيديوهات دي بمزاجها للشخص ده.

قالت إنها اخترعت قصة الابتــزاز المادي وضياع الموبايل عشان "تخلـص منه" وتنهي هذه العلاقة ..

وكانت النهاية خلف القضبان

استطاعت الشرطة ان تلقي القبض على الطرف التاني ..وبمواجهته اعترف فعلاً بالواقعة وإن الصور دي كانت مبعوتة له منها ..وطلعت الحكاية كلها افتعال وتدليس منها ..

وقد تم اتخاذ كافة الإجراءات القانونية ضده هو وهي.