متداول لموقف رجل شرطة انسان

قرأت واعجبني .. متداول لموقف رجل شرطة انسان .. كما ورد ..
خرج الضابط من المركز شاف ست قاعده قصاد مركز الشرطه معاها بنتين صغيرين بتعيط اول ما شافته طالع من المركز راحت تجرى عليه وتقوله ابني ياباشا اتمسك بالتوكتوك عندكم هنا بالمركز ولسه صغير 12 سنه ياباشا قالها ابنك مش مرخص التوكتوك ليه يا حاجه قالتله احنا شارين التوكتوك بالقسط ياباشا وابني كبير اخواته الصغيرين وابوه مات وسابه هو وبنتين صغيرين ورغم صغر سنه بس هو الراجل بتاعنا ومتحمل مسؤوليه البيت كله عشان اخواته ميحتاجوش حاجه من حد ولا يمدو ايديهم لحد ده كبر قبل ميعاده ياباشا يتيم وبيجرى علي يتامي ياباشا وادى ورق التوكتوك اهو وتقدر تسئل في المكان اللي اشترينا منه التوكتوك انه بالقسط والله ما بكدب عليك والله اول ما يجينا فلوس هنرخصه ونازله عياط د قال ليها متعيطيش هجبلك ابنك ورجع تاني دخل المركز خلص كل اجراءاته وشاف عليه ايه غرامه دفعها من جيبه الخاص وقاله انت راجل عايزك تاخد بالك من امك واخواتك عشان ملهمش حد غيرك
ورخص له التوكتوك من جيبه الخاص واتعهد انه يدفعله قسط التوكتوك كل شهر واداله رقمه وقاله اى وقت كلمني لو احتجت حاجه ..
سبحان الله جات هي وبناتها عند باب المركز الدنيا سوده في عنيها مش عارفه تعمل ايه رجعت والدنيا بتضحك في وشها ومن الفرح مش سيعاها
ساعدها ووقف معاها وجبر خاطرها وخاطر اليتامي من غير ولا يعرفها ولا تعرفه

نموذج محترم لضابط شرطه محترم اثبت ان الانسانية والرحمة فوق كل شئ واثبت ليها ان الدنيا لسه بخير
كل التحيه والتقدير للمحترم الخلوق
النقيب احمد غيطاني .. معاون مباحث شبراخيت ..
نموذج مشرف لضابط انسان.
كان ذلك ما قرأت واعجبني.