نوار الشاطر تكتب : لو تعرف
خلص العمر
وإنت بعدك
بنبضي ساكن
نشف الدمع
ولساك نهر
عم يمشي بدمي
دبل النوار
ولسه ناطرك لتجي
يادرب مرسوم بالوجع
خدلك غفوة عني شوي
بدي إحلم وطير
جناحاتي تعبوا من البكي
وريشاتي صاروا يكتبوا
قصايد وشوية حكي
تعال يا وقتي الحلوو
خدني عالسما
بدي بعيونك ارقص
وشوفني وإفرح
لو تعرف ..
كم بيت عمرتلك بقلبي
كم ضحكة خبيتها لتجي
كم مكتوب شوقي بعتلك
البحر صار أزرق
من حبر وجعي
وأنا غرقت فيك
من دون وعي
عرايش الياسمين
اليّ زرعتها بروحي
عم اضمك
وتشمك
وتلمك
مني...
أنا شامك
مو حلوة تتأخر عني
تعال ما بدك تجي
