مفيدة شيحة تقدم بعض النصائح لحياة زوجية سعيدة

قدمت الإعلامية مفيدة شيحة، عدة نصائح لحياة زوجية سعيدة، مؤكدة أن الثقة أمرا هاما في أي علاقة عاطفية ناجحة.

وأضافت مفيدة شيحة، في برنامجها الستات، المذاع عبر قناة النهار وان، مساء اليوم الأربعاء، أن :"الراجل اللي بيكون عنده ثقة في نفسه هتلاقيه مصدر أمان كبير ليكي، والأمان هو أكتر شعور بيسعد الست في علاقتها مع الراجل اللي في حياتها".

وتابعت مفيدة شيحة، أن :"الأمان اللي بييجي من احساسها بثقته فيها، إحساسها إن وقت اللزوم هيكون حائط صد يحميها ويدافع عنها، ووقت نجاحها هيكون أول حد بيطير من الفرحة بيها، لانه باختصار راجل سوي".

وأكملت مقدمة برنامج الستات، أن :" يعني مش من النوعية اللي بتخاف من الست القوية عملًا بالمثل الشعبي إياه بتاع "المركب اللي فيها ريسين تغرق"، لأ هو فاهم وعارف إن الست القوية سند كبير ومصدر دعم متواصل له".

وانهت مفيدة شيحة، أنه :"بإيمانه بيها واحترامه ليها هيقدر يحتويها ويعيشوا رحلتهم في الحياة كتف في كتف، يعني جنب بعض مش كتف بكتف يعني اتنين قالبينها حرب وكل واحد عايز يثبت إنه الأصح، لأن العلاقة لو ماشية بالشكل ده أكيد هتفشل".