غلاء الأسعار والطرق والكباري..السيسي يفتح الملفات الشائكة

فتح الرئيس عبد الفتاح السيسي قلبه للمصريين، وبلسان صادق كما عهدناه، تحدث الرئيس السيسي عما يجول بخاطر كل مصري، ونكأ الرئيس عبد الفتاح السيسي الجراح التي يعاني منها المصريون، جراء غلاء الأسعار، وأجاب على أكثر التساؤلات حساسية بشأن عملية التوازن بين المشروعات القومية الكبرى من مدن وعاصمة جديدة وطرق وكباري في حين يعاني المصريون من نار الأسعار.

أكد الرئيس عبد الفتاح السيسي، أنه عندما نفذت الدولة المصرية المشروع القومي ترعة المحمودية بطول 20 كيلومترا، كان كل الناس يشكون على مواقع التواصل الاجتماعى وفى الجرائد وغيرها، وكان البعض يقول إن الدولة بتهد المساجد.

وأوضح الرئيس السيسي، في كلمته بالمؤتمر الوطني للشباب ببرج العرب بالإسكندرية اليوم الأربعاء: "كانت الناس بتقول الدولة بتهد الجوامع ويا مسلمين وحرام عليكم.. يا سيدي هنرجع الجوامع تاني وهنرجع الكنائس تاني بس هنرجعها صح، وأنا بكلمكم كده.. إحنا شغالين الآن في امتداد محور المحمودية الـ55 كيلومتر، علشان أوصل للبحيرة، وتبقى أنت من الإسكندرية وتكمل المحور لغاية البحيرة ويبقى محور بديل، ويقولك بلد بتحب الطرق.. انتو مش واخدين بالكم يعني إيه بلد ولا إيه.. الدولة حاجة تانية خالص.. الدولة فيها تخطيط والتخطيط ده بيقوم به علماء ودكاترة جامعة ودكاترة في الوزارات المعنية وبتضع تصور ولو قدرت الدولة تعمل أكتر من كدة حتعمل»

وأكمل الرئيس السيسي: "علشان أكمل موضوع محور المحمودية.. كان اللواء هشام آمنة محافظ للبحيرة، جه قالي يا فندم علشان أشيل الناس الموجودة على محور المحمودية في الجزء عندي أنا عايز 800 مليون جنيه وده من 3 سنين، والحكومة وفرت الـ800 مليون وشلنا كل التعديات الموجودة، ولكن كان فيه قدام التعديات دي تعويض اجتماعي، ماقلناش إن اللي تعدى ده الأرض مش أرضه وعلى حرم الترعة، وقلنا لا مانقدرش نسيب الناس دي بالطريقة دي، فحصلوا على شيء من التعويض".

وأردف الرئيس: "إحنا بقالنا 3 سنين بنعمل 55 كيلومتر، ولو النهارده الـ55 كيلو دول بعملهم في أي أرض صحراوية ياخدوا مني 6 أشهر، حد يقولك أنت تقصد إيه.. أقصد أقول إن بناء الدول وإصلاحها أمر ليس باليسير، وأنا كإنسان منكم أمين معاكم وأمين عليكم، واللي هيحاسبني ربنا.. بالمناسبة حسابكم أنتو سهل جدا، لكن حساب رب البشر ربنا شايف كل حاجة ومطلع على كل حاجة".