اختفاء سيدة وصغيرها المريض بالسرطان في ظروف غامضة بالدقهلية

ي
اختفت سيدة وصغيرها المريض بالسرطان في ظروف غامضة بالدقهلية ..
وقد ناشد شاب بقرية الطيبة التابعة لمركز نبروه بمحافظة الدقهلية الجهات المعنية مساعدته في العثور على زوجتة وابنه الصغير بعد اختفائهما في ظروف غامضة أثناء توجههما إلى أحد المستشفيات بالمحافظة ..

وقال الزوج محمد حسين فاضل كلموني وأنا في السعودية قالوا لي إن زوجتي كانت بتعمل أوراق تخص علاج ابننا وكل حاجة كانت ماشية طبيعي ..

لأنها كانت بتتابع حالة الطفل اللي عنده سرطان بعد ما خلص مرحلة الكيماوي وكانت بتروح المستشفى عشان التحاليل ونقل الدم وآخر مرة كلمتني كانت يوم الخميس وقالت لي إنها رايحة تعمل التحاليل وتاخد العلاج .. وكان كل شيء طبيعي” ..

وأضاف الزوج: “يوم السبت اللي بعده راحت تكمّل أوراق العلاج وأخذت كيسين دم، ومن بعدها اختفت .. وآخر مكالمة بينها وبين أختي كانت الساعة 2:30 الظهر ..
قالت لها: لبسي العيال ووديهم الدرس أنا قدامي نص ساعة وأوصل ..
ومن بعدها مفيش أي خبر عنها”..

وتابع قائلا “بحثنا عنها في كل المستشفيات، وفي كل مكان لكن دون جدوى، ونسيبي عمل محضر تاني يوم في المركز، وأنا جيت من السعودية مخصوص أدور عليهم، والبيت بقى كأنه فيه ميت، ومش عارف أوصل لأي معلومة”.

وأوضح: “أنا متجوزها من 10 سنين ما حصلش بينا أي مشاكل قبل كدا، وآخر مكالمة كانت عادية جدًا، كلمت العيال واطمنت عليهم، والدنيا كانت تمام، أنا عندي 3 أطفال، اتنين معايا حاليًا وواحد هو اللي اختفى معاها، عمره 3 سنين وبيتعالج من السرطان، نزلت من السعودية مخصوص يوم الثلاثاء، وصلت الساعة 12 الظهر، ومن ساعتها وأنا بدور في كل مكان”.الاسم: نادية عوض فخري شمس الدين
العنوان: قرية الطيبة – مركز نبروه – محافظة الدقهلية

متغيبة هي وابنها (٣ سنوات) أثناء ذهابها إلى مستشفى ٥٧٣٥٧، ولم تعد حتى الآن.

???? من عنده أي معلومات يُرجى التواصل على:
01004577100 – 01097517854