صورة مش الوان بقلم بدر الدين محمد
الديار -
مع ان الصورة
مش الوان لكن جمالك فاق حدود لونها
لون الصورة مش عنوان
عيونك انتي عنوانها
تسهرني ف حدود اللون
الاسود ده لون عينها
ومفاتناها...
وضحكتها...
وحاجات زي القمر نور في سكتها
أنا غلبان في سرحاني
ودايب دوب
بس يادوب
بكتب لها غنوة
وبوصف انا عينها
واه منها..
مزولاني بحواديتها
اللي شغلاني
ومن سكتها عاوز اتوب
وم الاوصاف ياشغلاني
جمالك فاق حدود لونها
مع ان الصورة مش ألوان