تعرف علي تعليق الفنانة مها نصار علي وقف عرض مسلسل الملك
علقت الفنانة مها نصار علي قرار وقف عرض مسلسل الملك والانتقادات الجمهور لـ أبطال العمل عبر حسابها الشخصي على مواقع التواصل الاجتماعي الفيسبوك.
قالت مها:"كلام الناس فوق راسي من فوق سواء بالسلب أو بالإيجاب حقك تقول اللي انت عايزه بس علشان احترم كلامك لازم تكون بتتكلم صح و عن وعي ودا مبيتحققش غير بعد المشاهده الجيده للعمل".
أضافت:"انا حابه اوضح حاجه صغيره احنا بنعمل عمل درامي مستوحي من التاريخ وليس فيلم وثائقي عن الملك احمس والا كنا هنعمل اللي في التاريخ بالظبط ان الملك احمس اتجوز اخته لان في العصر ده كان جواز الاخوات عادي ..لكن احنا بنعمل روايه اسمها كفاح طيبه للاأديب العالمي نجيب محفوظ اللي قرأ الروايه هيفهم كلامي كويس".
وتابعت:"الأديب كان ليه رؤية مختلفة من خياله ودكتور زاهي حواس في كلام سابق لما قرأ الروايه قال إنها مستوحاه من التاريخ وليست التاريخ فانا مستغربة جدا لكلام دكتور زاهي حواس دلوقتي !!! ...مدام المخرج بيعمل رواية من خيال الكاتب ومستوحاه من التاريخ ودا طبعا مكتوب علي المسلسل فمن حقه يبدع ليه نحصر الفن في دايره ضيقه ونلف فيها".
واستكملت:"كلنا التزمنا بالرواية ودا بيحصل في العالم كله ومش جديد أنه يضيف شخصيه جديدة يغير شكل الممثلين يموت شخصية يطلعنا بنطير هو حر ..ولو كنا صبرنا كنا هنلاقي الكلام دا علي التتر.. الفن للمتعة والحكم دايما بيبقي فيه للجمهور اللي احنا بتشتغل علشانه".
أوضحت:"احنا جمهورنا واعي كفاية إنه يغير القناه لو حاجة معجبتهوش وانا بتحدي أي حد انه بعد عرض الحلقه الأولي بس هيحصله انبهار وتشوق ومتعه و هيكمل المسلسل للآخر و هيحترم المجهود الضخم الواضح من كل صناع العمل".
اختتمت:"علشان تبقي ناقد واحترم كلامك وافهمه لازم تكون بتكتب كلام محترم وهادف افهم منه فين اخطائي واصلحها وتضيفلي شيء جديد ودا مبيحصلش غير بعد مشاهده العمل و في الحاله دي بس لازم اسمعلك لانك هتضفلي شيء أنا فخوره جدا اني اشتغلت في مسلسل الملك".