أول تعليق من هالة فاخر عن أزمة الفنانات بسبب حضورهم حفل زفاف فى الجونة

نشرت الفنانة هالة صدقى تعليقا جديدا عبر صفحتها على موقع التواصل الاجتماعى فيسبوك تدافع فيه عن الفنانات اللاتى حضرن حفل زفاف عقب ساعات من جنازة الفنان سمير غانم. 

وقالت هالة صدقى : زي ما العزاء واجب الفرح كمان واجب ،الفرح يوم في العمر وخصوصا لو حد عزيز عليه جدا ومنتظر اشاركه اللحظه دي ،المعروف جدا أن اي فنان وأولهم الراحل الفنان سمير غانم كان بينزل يعرض ويضحك ويسعد جمهوره لكن قلبه من جوه كله حزن وأكبر مثال العظيم عادل امام دفن مصطفي متولي صاحبه وجوز أخته الظهر ونزل يعرض بليل وبما بعد ما نزلت الستاره انهار ،ومش عادل بس لا في غيره وغيره وغيره . 

وأضافت هالة صدقى : للاسف الفنان بيبقي مطلوب منه فوق طاقته وأصحابه وحبايبه منتظرين منه اكتر ،عمر الحزن ما كان بلون الاسود او البكاء ،ولاد سمير النهارده لابسين ملون علشان مامتهم ما تعرفش باللي هما فيه هل ده معناه انهم مش زعلانين ومقهورين علي باباهم ،وهي قدرات ممكن حد يقدر يتغلب علي أحزانه وناس لا. 

وأوضحت هالة صدقى : وعلي فكره أنا مكنتش معزومه علي الفرح اللي زملائي كانوا فيه ،كنت معزومه في فرح تاني خالص والنهارده كمان كان عندي فرح حد من أعز أصدقائي ،كلنا عارفين الأصول ان لما حد يموت نقفل التلفزيون وبلاش مزيكا وحاجات كلنا عارفينها، لكن للأسف في ظروف خارجه عن الإرادة  وبدل ما نحاسب البشر واحنا عندنا رب هو المسئول عن اللي في القلوب ،ندعي للزميله والاخت العزيزه دلال ان ربنا يقومها بالف سلامه وترجع لبيتها وولادها وتتحمل فراقها لحبيب عمرها شكرا لتفهمكم.