بعد تعرضها للتنمر.. تامر فرج يرد ببوست في حب جيلان علاء
دعم الفنان تامر فرج، من خلال صفحته الرسمية على موقع التواصل الاجتماعي "فيسبوك" الفنانة جيلان علاء، وذلك بعد تعرضها للتنمر من خلال التعليقات على السوشيال ميديا.
وكتب خلال حساب: بوست في حب جيلان علاء، أمنيتي في السنة الجديدة إن ربنا يخلص البلد والسوشيال ميديا من الأشكال دي، اللي بتجرح الفنانين وبتستحل شتيمتهم خصوصا لما يكونوا بيتعرضوا بالإساءة لفنانة وإنسانة زي جيلان علاء.
وتابع: جيلان، قلبها لوحده أطيب وأكبر من أمثالكم وكفاية أخلاقها وطيبتها دي كانت بالنسبة لمجموعة عمل برنامج "أبو حفيظة" هي اللي بترعانا وبتحتضنا لدرجة أن كنا مسمينها "ماما جوجو" .
وأكمل: "جيلان، بتهتم باللي معاها واللي حواليها قبل ما تهتم بشغلها، جيلان، دمها خفيف وممثلة هايلة وكونك تختلف أو تتفق على ده ما يديكش الحق فى شتيمتها والتريقة عليها بأي حال خصوصا إذا كنت بتتريق على خلقة ربنا وده ذنب عظيم وخصوصا إذا كانت أصلا جميلة وملامحها حلوة وكفاية أنها بتتقبل آرائكم السخيفة بضحك وهزار بس أنا عارف ده ممكن يكون بيجرحها إزاي.
وأضاف: "جيلان، وراء ضحكها وفيديوهاتها الكوميدية شايله مشاكل وحمل جبال فبلاش نبقى من السخافة والانحطاط إننا نشيلها هم زيادة، وبالمناسبة الناس اللي حاملة لواء الفضيلة ومش عاجبهم فيديوهاتها اللي بتقلد فيها ممثلات كبار وعظام، هو أحنا ليه اتوحشنا كده فى نقد أي حد وبقينا نستسهل شتيمته؟" .
"هو انتوا نسيتوا إن زمان كان فى ناس شغلتها و موهبتها إنها تقلد فنانين؟؟؟ وكنا بنضحك والفنانين نفسهم كانوا بيضحكوا على نفسهم و محدش كان بيقوم كده يشتم و يهدد، فى ايه؟؟؟ حصلنا ايه؟؟؟ بقيتوا تحرموا الضحك ليه؟؟؟ بقيتوا قاسيين على بعض ليه؟؟؟ يا ساتر!!!" .
حكاية حتة من القمر
حيث حلت جيلان، ضيفة يوم الأربعاء الماضي في برنامج "معكم"، التي استضافت فيها الإعلامية منى الشاذلي أبطال حكاية "حتة من القمر" من مسلسل "زي القمر"، وهي الحكاية التي تناقش موضوع التنمر.
وقالت جيلان علاء: "كان في تنمر من تعليقات فيسبوك على مناخيري ووشي في المطلق، زي مناخيرك كبيرة قوي، أو وشك أطول من شاشة موبايلي".