جريدة الديار
بوابة الديار الإليكترونية | جريدة الديار

ميرنا وليد تخوض تجربة كوميدية لـ أول مرة │ خاص

الفنانة ميرنا وليد
الديار- ياسمين محمد -

شاركت الفنانة ميرنا وليد فى احتفالية اقميت في مؤسسة بهية، من خلال مشاركتها قدمت رسالة كل فرد أن يستغل أمواله فى فعل الخير.

عبرت ميرنا وليد عن مشاركتها فى فعاليات بهية قائلة: "أنا بعشق هذا المكان ومفيش مرة جيت وخرجت منه، إلا وأنا بقول الله يرحم بهية ويابختها على كتر الخير اللي بتعمله، وهي مش في الدنيا ودائما بقول ربنا يقدر كل الناس اللي قادرة تعمل زيها ده أكبر مكسب ممكن تكسبه دنيا والأخره".

تابعت ميرنا وليد لـ الديار:"لأنه مهما قعدنا في الدنيا مساحة هتكون قليلة اوي، والزمن اللي لينا في الدنيا قليل اوي اوي اوي مقارنًة بالحياة بعد كدة، فاللي يقدر يستغل الفرصة ديه عشان يبني للحياة الاساسية الدائمة وهو عايش في الحياة الذائلة ديه، يبقى يعني ده اللي فعلا ذكي وقدر يكسبها صح".

ميرنا وليد توجه رسالة لمحاربات سرطان الثدي

ووجهت ميرنا وليد رسالة لمحاربات السرطان قائلة:"ربنا نعم عليكم بـ ابتلاء يارب يجعل مرضكم وكل ثانية حسيتوا بيها بالوجع سواء مرض جسمي أو نفسي ربنا يارب يجعله فى ميزان حسناتكم، ويمسح ليكم بيه لاغلطة من غلطات الحياة، بعد العمر الطويل لما تقابلوا ربنا تكونوا بوجه ابيض ، يكون مسح بكل وجع منكم اي حاجة فى الدنيا وحشة، ربنا يصبركم ويقويكم".

ميرنا وليد تكشف تفاصيل برنامجها الجديد

قالت ميرنا:" الفكرة اتعرضت عليا ، وافقت من البداية، لان فكرة مستفزاني شخصياً وشايفة أن في هجوم كثير على الفنانين ومش بس الفنانين في هجوم بشكل عام،وانا اتعرض عليا برامج كتير جدا بس انا بشكل عام مبحبش البرامج ديه ،حقيقة يعني محستش انه حاجة اضافت لي خالص".

أضافت ميرنا:السوشيال ميديا اكبر مكان للكدب في على الاطلاق ولا محاسب ولا رقيب ولا هناك من ينادي باي حقوق لاي حد وديه مسائلة لازم يتعملها واقفة لازم الناس تفهم اي الصح واي الغلط واي اللي بيتعمل يعني مثلا اكتبي كده ميرنا وليد هتلاقي تاريخ ميلادي 7 تواريخ مع اني اتولدت مرة واحدة مش 7".

ميرنا وليد تخوض تجربة كوميديا لـ أول مرة

كشفت ميرنا وليد لـ الديار عن خوضها لـ أول تجربة كوميدية لها فى مشوارها الفني.

وقالت: "أشارك فى فيلم كوميدي بداية 1أبدا التصوير، الفيلم من تأليف الكاتب يسري أبو القاسم، الفيلم كوميدي ولكن يحمل رسالة هادفة لجمهور، ويناقش قضية تهم المجتمع وأنا افضل هذا النوع من الكوميديا.

ميرنا وليد تكشف سبب غيابها عن المهرجانات السينمائية

قالت ميرنا :"لم اهتم بالمهرجانات فى الفترة الحالية، والوسائل الإعلام حول المهرجان لمعرض أزياء ، والناس أصبحت تركز على لبس الفنانين أكثر من محتوي المهرجان أو نجم الذي يكرم فى المهرجان، العيب على وسائل الإعلام ، مش عيب الفنانين.

تابعت:" المسالة أصبحت بعيدة عن المهرجان سينمائي، يناقش محتوي سينمائي ، على قد أن السوشيال ميديا ركز على لبس ، عدم الاهتمام بضيف المهرجان وتاريخة كل التركيز على لبس الفنانين.