صدق ولا تصدق 30 /6 انقلاب!
(Believe not all that you see not half what you hear)، لاتصدق كل ماتراه ولا تصف ماتسمعه، بداية هذا المثل كانت فى عام 1205 وكان (إذا صدقت كل أمرئ فنادرا ماتحسن صنعا)، ثم فى عام 1853 اصبح (صدق نصف ماتراه فقط ولاتصدق شيئا مما تسمعه)، ويقابل ذلك فى اللغة العربية المثل القائل (اسمع ولاتصدق)، ويذكرنا هذا بالقول المأثور (أفة الحديث الكذب وأفة الاخبار رواتها)، وأيضا (كثرة الشك فى كلام المحامين يقين) والأية الكريمة تقول (يا أيها الذين أمنوا إن جائكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين)(سوره الحجرات الأية 6)..
كثيرا هذه الأيام مانسمع .. بيقول لك.. سمعت .. شوفت بيقولوا ايه..؟، شوفت الدولار بقى بكام .. بيقولوا ...طيب أنت اشتريت؟ .. لا.. دا محمد اشترى .. طيب اشترى منين؟ من البنك ولا من السوق السوداء؟ .. مش عارف بيقولوا أنه اشترى من السوق السوداء.. ولما تقابل محمد تسأله اشتريت بكام يا محمد؟ يقولك اشتريت اه؟ تقول له: الدولار .. يقولك أنا سمعت أن مصطفى اشترى امبارح وكان الدولار غالى .. يعنى مش أنت اللى اشتريت؟ لاوالله دا أنا سمعت من مصطفى أن محمود اشترى عشان مسافر السعودية..
وهكذا ندور فى فلك سمعت .. شوفت السكر بقى بكام؟ بكام ! بقى بـ13 جنيه.. امبارح رحت أجيب كيلو سكر والبقال ذى ما تقول بيبيع مخدرات.. اعطى لى كيلو السكر فى الخفاء .. طب قول والله .. لا طالما حتحلفنى دا أنا سمعت من عبد الحميد.. ياراجل! آمال يعنى أية القبض على تجار السوق السوداء وكان عندهم كميات كبيرة من السكر دا كلام؟، هما فين معارضى 30/6 اللى ممكن يعملوا كده (دول نصفهم فى السجون والباقى بره)، مين اللى يعمل كده؟ أكيد الحكومة الفاسدة !! ليه؟ عشان الشعب يكرة معارضين 30/6، تقول أية فى الجنود اللى اتقتلوا غدر فى رفح فى رمضان؟، طبعا الجيش والمخابرات .. أنا أعرف أن الجيش بيعزل اللى مش عاوزه مش بيقتله!..
انت عارف لما يبقى فى واحد حرامى فى وسط مجموعة وبعدين تيجى الشرطة فجأة.. بسرعة تلاقيه يقول مش أنا اللى سرقت ..من غير حد ما يسأله .. تماما زى معارضين 30/6 ومؤيديهم على طول يقولك إحنا مش معارضين إحنا معترضين على الأسعار..
فى أحد المدارس يوجد أخوة وأصدقاء من معارضى 30/6 وطبعا معروفين ولم يثبت ضدهم قضايا عنف أو شئ مخل (يعنى ناس معارضين وبراءة الأطفال فى عيونهم) ..أمال يعمل إيه؟ عندما يدخل أى غرفة يلقى سؤال ويتعجب كأن يقول سمعتوا؟ مفيش علاوة 7% اللى قالوا عليها بأثر رجعى .. طلع كذب دول مش هيدوها للمدرسين.. ويمشى بسرعة عشان محدش يسألة مين اللى قال.. هو كده أدى الواجب تجاه المعارضين ومؤيدهم (هو كده ألقى بمقدمة الإشاعة وسابها للتداول والانتشار.. وهو ده المطلوب، وهو غلبان برئ يدوب لعب بعقول اللى ممكن يكونوا معاه فى المعارضة والمظلومية) (هو كدة عمل حاجة؟ دا هو مواطن مصرى)، طيب هو ما فيش غير الجيش فى البلد هو اللى بيعمل كل حاجة؟، أية المشكلة ماهم مصريين واحنا طالعين من ثورتين بدون قيادة (القائد هو الشعب)، وعشان كدة فى ناس فاهمه إن ثورة يعنى نقعد بدون عمل ونلم الفلوس (الوحيد اللى بيحمى حدود وأمن البلد هو الجيش) (الحدود وعرفناها وأمن البلد هو احتياجاتها ودى شغلة المقاتل أن يأخذ بيد التعبان ويوقفه على قدميه) والجيش كل عناصره من بيوت مصر..
يا جماعة إزاى بتشتغل الإشاعة؟ يطلق أحد المحترفين الإشاعة ويتركها لتنموا كالمتوالية العددية..
أحفظ مصر يارب
