محمد خليفة يكتب: عمدتنا وحكايته مع ”الزلابيا”

طبعا عٌمدتنا أكتشفت فيه مواهب جديدة غير العَزف على الزٌمارة، وكان لابد من عرض مواهبه على أهل بلدى عشان يشوفو أد أيه العمدة مش فاضى لإدارة أمن القرية ولا فاضى غير لنشر مواهبه وصوره على صفحات التواصل الإجتماعى بعد فشله فى ادارة ملف الوباء القاتل" كورونا ومن كورونا" للزلابيا مش ها تفرق كثير فقبل كدا العمدة بيحدفنا بكورونا بدل السفندية ، وزعَّل منه المطربة الهام بديع صاحبة الأغنية الشهيرة يا حضرة العمدة أبنك حميدة حدفنى بالسفندية بس العمدة غير مقطع الأغنية وخلاها "كورونا" والنهاردة بيغنى بتاع الزلابيا ..

طبعاً هذه الصورة التقطت فى عز الحر فى الصيف وده يؤكد أن عمدتنا لا فارق معاه لا صيف ولا شتا ، المهم الراجل يقوم بتنمية مواهبة وسايب حال البلد يضرب يقلب، يعنى الراجل سفرياته كثيرة من أجل التنمية بس مش تنمية بلده حاشا لله ، الرجل بيحب يملى وقت فراغه ومش فاضى لبلدنا وناسها الطيبين !

تعالوا نعيش معاً مع أغنية الزلابيا بتاع الزلابيا ..

الزلابيا بتاع الزلابيا

قرّب واشتـري منــي الزلابيا

الزلابيا ..بتاع الزلابيا

يازلبيا بيقدحوكى ويحطوكى فى الزيت تغنى!

يعنى كل الناس ياكلوكى ومن ايدين العمدة ها يدلعوكى !

يمجننانى يا زاااالابيا .. انتى اللى على بالى لخبطى كيانى يا زاااالبيا

يامعفريتانى يا زالبيا .. يا زااالابيا

الزالابيا بتاع الزلابيا ..

اعمل حاجة ياوِلد.. البت بيضة بيضة بيضة

البت بيضة وانا اعمل اية

ياحلو دارى دارى على الزلابيا

جماللها طاغى والزيت بيقلى

والعمدة اتلسع ..عمال بيقلى

عملت اية ..الابيض جرحنى على عينى الاسمر

مسكت الزمارة وعمال ادنند وانادى واقول : الزلابيا بتاع الزلابيا.

حرمونى منها طب بس ليه..

دا انا اللى عاملها وقليت كمان ..

ضيعت مالى وانا مالى وانا اعمل اية..

ضيعت مالى على الزلابيا وسبت شغلى فى البلد ومن كورونا استويت

ياوِلد ياوِلد انا حبيت وبنار الزلابيا انشويت!