غرام عمر تكتب: ترتيب الأدوار

أصعب جزء بحياتنا هو جزء ترتيب الأدوار...
يعني كيف منوزع الأشخاص الي حوالينا من أصدقاء و أقارب ومنعطيهم أدوارهم..
إذا منفكر بالموضوع من مبدأ لعبة الشطرنج...

ف بدنا نوزع ادوار هيدو الأشخاص حسب قوانينها...
مين منعطيه دور الوزير و مين القلعه ومين الفيل ومين الجندي!!...
بسبب سذاجتنا(الي نحنا منقول عنها طيبة قلب لنواسي حالنا) منعتبر الفايت و الطالع وزير...
مع انهم بستحقو عن جدارة يكونو فيل... (مابيمشي إلا مايل)
و حصان (روح قلبو اللف الدوران)...
منعيين الناس الخطأ بالمكان الخطأ... و دايما بتجي النقاصه من الافندي الواقف جنبنا الي حطيناه و زير.... و بمكان القلعه الي المفروض تكون جاهزة لتضحي بحالها بالاوقات الصعبه .. منختار حدا مابضحي كرمالنا بشي... رغم منضحي كرمالو بكل شي...

وبالوقت اللى عم بكونو صف الجنود عم يحمونا ونحنا مو مقدرين قيمتهن... ببلشو يروحو واحد واحد بدون ما ننتبه
"فرحانين كتير بشقفة الوزير الي جنينا"... رح نلاقي حالنا خسرنا.... وما مننتبه الا لما نسمع كش_ملك...

بنظرة بسيطة هلا منكتشف انو كل أحداث حياتنا هي نتيجة قراراتنا نحنا و توزيعنا للأدوار بشكل عشوائي وغير مدروس... المحور مش انك تحمي الملك (نفسك)... الفكرة انك تصممي فريق قوي و تلعبي بذكاء وما تخلى فريقك هو يلعب فيك .

تعامل مع حياتك متل رقعة شطرنج... وزع الادوار صح... لتعيشي صح... ازا ما كان في حدا بيستاهل يكون وزيرك وقلعتك.... خليك واقف ورا الجنود وما تخاف... المهم ما تسند حالك على حيط مايل .

طبعاً هاد الحكي للفريق الأبيض... في ناس بطلع نصيبهن الفريق الأسود، العوض بسلامتهن حتى الجنود ما يتأمل فيهن خير .