جريدة الديار
الجمعة 29 مارس 2024 09:35 صـ 19 رمضان 1445 هـ
بوابة الديار الإليكترونية | جريدة الديار
رئيس مجلس الإدارة أحمد عامررئيس التحريرسيد الضبع

بدرية طلبة ترد على إهانة الناشطة الكويتية ريم الشمري للمصريين

بدرية طلبة
بدرية طلبة

أثار الفيديو المهين للناشطة الكويتية ريم الشمري غضب الشعب المصري بما فيه الفنانين المصريين، وأبرزهم لقاء الخميسي التي طالبت السفارة المصرية في الكويت بإلحاق العقوبة بها، ورندا البحيري وبدرية طلبة، حيث علقت الأخيرة عبر حسابها الرسمي على موقع التواصل الاجتماعي "فيسبوك": "لما تكون محتاج تتعلم تاريخ وتعرف إنك بتتكلم عن دولة بحجم مصر وتاريخ مصر ومش فاهم ولا عارف يبقى لازم نلتمس لك العذر".

ثم أضافت: "ولما تكون محتاج تربية وانت بتتكلم عن أهل مصر وناس مصر وللأسف أهلك مربكش يبقى الحق مش عليك الحق على أهلك، يبقى احنا لازم نلتمس لك العذر، لما يكون لسانك زفر وغير محترم وبتغلط في اللي أكبر منك لمجرد فرق العملة كبير شوية يبقى انت عبيط ومش فاهم، والمادة ملغبطاك ومفكر إن المادة بتعمل بني ادم يبقى لازم نلتمس لك العذر، لما خمسة ستة شبهك بيقلوا أدبهم ويغلطوا والمحترمين الكتير قوي حبايبنا وأصحابنا وبينا احترام متبادل يبقى المشكلة فيك وفي الخمسة ستة اللي شبهك لا في دولتك ولا أهل دولتك يبقى احنا لازم نلتمس لك العذر".

ثم اختتمت: "ولازم تعرف إنك أقل من إنك تمثل دولة لأن مفيش قليل الأدب ومريض يمثل دولته ولا أصلاً يتاخد كلامه في الحسبان، انت عمرك ما كنت واجهة ولا هتكون، عيب البوست دة خسارة في حضرتك بس يلا كله بثوابه نحسسك إنك ذو قيمة، بجد معرفتش انت راجل ولا ست مش واضح بصراحة مع الاعتذار للكويت وأهل الكويت، أهلنا وحبايبنا وبلدنا التاني".

وجاء ذلك رداً على فيديو الناشطة ريم الشمري المهين للمصرين الوافدين والعمالة المصرية بالكويت، حيث وصفتهم بالخدم والمأجورين الذين يعملون لخدمة المواطنين، وليس لديهم الحق في اعتبار أنفسهم شركاء في الوطن، وهي ليست الأولى من الكويتيين الذين يهينون المصريين في ظل هذه الظروف الصعبة، بس سبقتها الفنانة حياة الفهد وغيرها.

واقرأ. . شاهد ماذا قال صلاح عبدالله بعد خبر وفاة حسن حسني