جريدة الديار
الجمعة 29 مارس 2024 01:39 مـ 19 رمضان 1445 هـ
بوابة الديار الإليكترونية | جريدة الديار
رئيس مجلس الإدارة أحمد عامررئيس التحريرسيد الضبع

عمرو عابدين :” احنا اتوجعنا يا رجاء”

المخرج عمرو عابدين والفنانة رجاء الجداوى
المخرج عمرو عابدين والفنانة رجاء الجداوى

عبر المخرج عمرو عابدين ، عن حزنه على الفنانة القديرة رجاء الجداوى، وكتب عبر حسابة الشخصى على موقع التواصل الإجتماعى حكايات مع جوجا .

وقال عابدين :" أول مادخلت المستشفي..ولما ماعرفتش اكلمها..كلمت اميرة..وكنا بنكتم بكائنا.. وقلت لها اوعي تفتكري يااميرة..انك بنتها لوحدك..وردت وقالتلي عارفة ياعمرو.. جوجا..هي الام والاخت والصاحبة الجدعة الطيبة..هي ديما السند الاول لائ حد قريب منها..هي اول واحدة ممكن تكلمني لو عرفت ان في حاجة مضايقني..ولازم تفضل تكلمني لحد ماتطمن اني بخير..هي اول واحدة كانت جنبي لما اختي وفاء اتوفت.. ".

واضاف : " بيني وبينها حكايات كتير علي المستوي الانساني..والفني..احنا اتوجعنا يارجاء.. " .

وتابع عابدين :" فاهمين قصدي ايه..فاهمين ممكن نكون زعلانيين اوي كدا ليه..الست دي كانت الحضن الدافي اللي بيعوضني غياب الام والاخت الكبيرة..هي اللي اترمي في حضنها وتطبطب عليا بمشاعر صادقة تطمني وتطيب خاطري..مشاعر كتير مش هعرف اوصفها كلها..ده جزء من علاقتنا الانسانية القريبة جدا وخصوصا واحنا شبه بعض في حاجات كتير عشان احنا برج العذراء زي بعض.. ، لكن علاقتنا فالشغل كانت مختلفة جدا.." .

وأستكمل :" ليه انا كنت ببقي حريص علي وجودها في عدد كبير من مسلسلاتي.. ، أولا وجودها ..تشريف لاى مخرج بتشتغل معاه..لانها بتضيف قيمة للدور والعمل كله..والقيمة دي نتيجة تعبها وشقائها واجتهادها..في عمل تقوم به..شفت رجاء في كل تقصيلة وهي بتذاكر وبتحضر لشغلها..وجدعنتها في خدمة اي ممثل يقف امامها..مش ممكن انسي دورها في مبروك "مبروك جالك قلق " وهي بين هاني رمزي وبنتها تشكر غادة عادل وأجمل مباراة فالتمثيل اللي دمه خفيف بجد..ولا دورها معايا في" الف ليلة وليلة " مع النجمة نيللي .

وختم قائلا :" كل المخرجين والفنانيين بيحبوا رجاء..عمرها مازعلت حد..عمرها ماعملت مشكلة..رجاء محدش يفتكرها اي موقف وحش..هي حبيبة الكل..والكل عارف انها حبيبة الكل ..رحم الله الست دي بسبب اخلاقها الطيبة وقلبها اللي والله اشهد انه من اطهر القلوب..ربنا يرحمك يااحب الناس لقلبي..ويصبرك يااميرة..ويصبرنا..دعواتكم الصادقة والفاتحه لروحها الطاهرة" .

أميرة مختار :" اللى مش هيقدر يمسك أعصابه يطلع