مروان مبروك يكتب: العيد فرحة
كل سنه وأنتم طيبين ؛ ووسط حبايبكم متجمعين ..
مافيش أحلي من لمه فيها روح ؛ ساعتها بتحس إني أي وجع بيروح..
ناس بتحس إنهم منك ؛ رغم إنك ..
ممكن تكون تعبان ؛ بس مستعد للحظة نسيان ..
طالما روحك مرتاحه ؛ كإنه عطر خارج من فواحه ..
أي يوم بيعدي علينا حلو هو عيد ؛ بس ده ميمنعش إني في فرحه حقيقيه بقدوم العيد..
منها ذكريات ؛ علي حكايات ؛ علي شويه كحك وأضاحي وحلويات ..
علي ناس ربنا بيبعتهملك في حياتك هديه ؛ وياسلام لو إدوك أحلي عيديه ..
هتلاقي نفسك من الفرحه طاير لحد كوكب المريخ ؛ وهتقضيها شراء بومب وصواريخ ..
ومهما كبرت في السن ؛ للحظة طفولة هتحن ..
ترجع بيها لأيام زمان ؛ وسط أهلك وناسك رمز الحنان ..
حتي اللي راح منهم ؛ تلاقيه في عيدك أول من بتمدله أيدك ..
رحمه عليهم ودعاء ؛ لحد ماتوصل لرب السماء ..
ربنا يجعل ايامكم كلها عيد فيها روح وبهجه وتجديد ..