إلهام قربوص تكتب عارفة ليه..؟
عارفة ليه..؟
"""؛؛؛؛؛؛""""
لسانى تايهة فى السنين
وينوح جوايا غراب البين
لسة مافكرت آجى لك
ولاقادرة
آقول مواويلك
ف لسانى عقدة مربوطة
مش عارفة افضفض
واحكيلك!
عارفة ليه طال السكوت؟
عارفة ليه باتمنى اموت؟
والدموع اتجمدت
والآهااات اتوحدت
؛؛
أصل انت فيكى
ديابة ياما
والغلابة بردوا ياما
والقلوب الطيبين
نبضهم..أصبح أنين
عشنا وياكى ف تابوت
والورود ع الخد دبلت
والأمل ساكن تابوت
علشان كده
طال السكوت
عشان كده باتمنى اموت
فوقى يلا من منامك
وامسكى بإيدك لجامك
واللى ظلمك..ابعديه
واللى حبك قربيه
بدلى الغربان........... بلابل
وابدرى عشقك ......سنابل
وارجع القى روحى فيكى
وابقى مش عايزة
أموت
أو يطول منى السكوت
إلهام قربوص
