الديار

رئيس مجلسي الإدارة والتحرير
عصـام عـامر

زاوية رأى

محمد البديوي يكتب: «الفويس أوفر»

2020-09-11 21:08:53
محمد البدوى
محمد البدوى

الفويس أوفر .. مش وظيفة دى مهنة محتاجه إبداع وتحدى.

الفويس أوفر .. مفيهوش وسايط ممكن علاقتك بالعاملين فى المجال تفيدك لكن صدقنى لو إنت مش موهوب مش هتنجح.

الفويس أوفر .. مش إنك تتخن صوتك و تصطنع طبقة صوتية مش طبقتك الحقيقية.

الفويس أوفر .. محتاج إنك تستخدم صوتك الطبيعى والحقيقى بس تعرف إزاى توظف طباقتك الصوتية صح وبإحتراف.

الفويس أوفر .. مش محتاج إنك تكون بتقلد صوت فلان أو فلانه عشان تتعرف وتنجح زيهم لأ ده محتاج إنك تكون إنت ويكون ليك بصمتك المميزه اللى هتخليك مختلف عن غيرك وهتخليك مميز بجد فى سوق بقى ملياااااان بأصوات حلوه وعايزه تنجح.

الفويس أوفر .. محتاج صبر وتدريب وتحدى وده مش لفترة محددة لأ علطوووول.

الفويس أوفر .. ممكن يدخلك دخل مادى محترم بس لو كنت محترف فى شغلك ومتميز والمهم إنك تحترم مهنتك ومتبخسش بحقك المادى عشان تكسب عميل صدقنى أنت كده بتبخس من نفسك و بتأثر على المجال وعلى زملائك ككل.

الفويس أوفر .. عالم فنى كبير محتاج إبداع فى كل كلمه بتقولها.

الفويس أوفر.. لو مش هتقدر تفهم الكلام اللى قريته كويس وتنفذه يبقى متشتغلهاش أفضل.


إرسل لصديق