همت مصطفى تكتب .. ” هستناك ”

" هستناك "

متشعلقة ف دراع الذكرى

متكعبلة ف خطاوي امبارح

متعفرت جوايا الحاضر

و برغم تداخل

كل فصول السنة

في اليوم الواحد

لسه بيبان

جوه العين

أحلام بتعافر

ف كل سنين العمر

وكتير بمشي بثبات

وبخطوات حرة

لكن مببصش

لبعيد جدًا وبانسى كتير

إني بسافر للغيب

من غير عقل

وبارجع ألاقي مدفون

جوايا الخوف من بكره ..

وبسأل نفسي في منامي

أنا رحت لفين

وكان إمتى ،وليه

والروح لما بتروح مني

بتوصل مع مين

لكنك باقي في ملامحي

وف عز النور

عقلي بيتوقف عن التفكير

وف عتمة قلبك

ملقاش نفسي

غير حد معدي

بتخبط فيه

من غير حتى ما تبص وراك

أنا هستناك .

اقرأ أيضًا /فرع ثقافة القليوبية يناقش تأثير المدرسة الواقعية على الرواية

الدوري الانجليزي-اللجنة العليا للانتحابات-يسرا-نتائج مباريات اليوم-شوقي السعيد-هدى الأتربي-ليلى علوي-لبلبة-سد النهضة-الكلاسيكو