جريدة الديار
الجمعة 29 مارس 2024 12:25 مـ 19 رمضان 1445 هـ
بوابة الديار الإليكترونية | جريدة الديار
رئيس مجلس الإدارة أحمد عامررئيس التحريرسيد الضبع
سعر الدولار اليوم الجمعة مع تقلبات الجو.. علاجات منزلية لـ الجيوب الأنفية ”التعليم” تكشف موعد انطلاق امتحانات الثانوية العامة 2024 التنمية المحلية تتابع تحسين مستوي الخدمات للمواطنين بالمحافظات.. رصف طرق بالغربية ١٥١٣ مواطن تلقوا خدمات الكشف والعلاج بالمجان بقافلة السرو من صحة دمياط التنمية المحلية تتابع تنفيذ مبادرة حياة كريمة والجمهورية الجديدة مصر بتتبني بالمحافظات ..” أسوان” افتتاح استوديو المحتوى التعليمى الجديد بالتعاون مع اليونسكو وهواوى بالأكاديمية المهنية للمعلمين وزيرة التضامن: 60% من مرضى الإدمان يعيشون مع أسرهم دون اكتشاف الوالدين لتعاطي أبنائهم. وصول 8 شهداء لـ مستشفى «الأقصى» جراء قصف الاحتلال منزلًا بمخيم المغازي إصابة 9 أشخاص واحتراق منزل في مشاجرة بالفيوم ... بسبب خلافات الجيرة مصرع شاب في تصادم دراجة نارية بجرار زراعي في الوادي الجديد «القباج» تطلق مرحلة جديدة من حملة «أنت أقوى من المخدرات» للوعي بخطورة الإدمان

الفنان احمد عزت : ”ما تتخلاش عن حلمك لغاية آخر نفس ”

احمد عزت
احمد عزت

استعاد الفنان احمد عزت ذكرياته مع متابعيه من خلال نشر صور مختلفة له في عدة اعمال فنية متميزة ومراحل عمرية عديدة٠

وذكر احمد عزت " ماتتخلاش عن حلمك لغاية آخر نفس حلمك هو اللي بيدي لكل لحظة في حياتك قيمة٠ انا اتولدت لاقيت نفسي بامثل اول عمل كان عمري ٤ سنين ومن العمر دة ولغاية ما بقيت ١٣ سنة وانا با اقف ادام الكاميرا بحصيلة تعدت الخمسين عمل تقريبا وكان آخرهم في المرحلة دي دور بطولة في الوسية اللي الحمدلله اعتقد انه اتعمل بشكل كويس ٠

وأضاف " بعدها قررت ابعد مش علشان حاجة غير بسبب كم الضغوط عليا في الفترة دي تصوير صبح وليل وأكتر من عمل في وقت واحد دة غير المذاكرة والمدرسة علشان كدة باعتقد ان التمثيل في المرحلة دي صعب جدا للطفل خاصة اللي بيشتغل كتير ا اسماعيل عبد الحافظ الله يرحمه كان هايتجنن ومتضايق جدا وكلمني وكلم امي اني ارجع عن قراري لكن انا كنت خلاص مش قادر خدت قراري وماداخلتش المعهد حتى وكان عندي قناعة كاملة اني لازم ابعد ٠

واوضح احمد عزت " وانا في مرحلة الكلية حسيت اني باعمل حاجة غلط انا ايه اللي عملته في نفسي دة ليه بعدت وقررت ارجع بعد الكلية مباشرة ونظرا لاني ارتبطت واتجوزت بدري أولوياتي اتغيرت تاني وكان لازم اشتغل بدخل ثابت وبعد سنة اكتشفت اني رغم نجاحي في شغلي بالنسبة لحد في بداية حياته لكني مش لاقيني قلت لنفسي انا ممثل على فكرة مش محاسب وقررت اخد ساعتها قرار الرجوع للحاجة اللي باحبها كان عمري ٢٤ سنة تقريبا وفعلا الفترة دي عملت اكتر من عمل رجل الاقدار وحاجة بسيطة في الاصدقاء وقناديل البحر ومسلسلات كتير في صوت القاهرة ولأني مقتنع بأهمية الممارسة والتعليم اشتركت في أول ورشة بمركز الإبداع الفني واتعلمت على ايد الاستاذ الكبير خالد جلال كان معايا نضال وبيومي فؤاد وسامح حسين وايمان السيد وعلشان انا ابن الوسط فكنت عارف قيمة النقابة واهميتها فرحت دخلت لجنة تقييم وبدأت اطلع تصاريح عمل بعمل لكن النقابة قررت توقف التصاريح فلاقيت نفسي مضطر ابعد تاني وطبعا اضطريت ادور على شغل ثابت لأني متجوز ومخلف وبعد ما اشتغلت فترة لاقيت فرصة اني اتعلم مونتاج ماكدبتش خبر اتعلمت والمكان اللي اتعلمت فيه طلب مني اشتغل معاهم بالقطعة وبدأت رحلتي مع المونتاج اللي مرتبط بالحاجة اللي باحبها واللي كان املي اني من خلاله اقدر ارجع امثل تاني اشتغلت في اكتر من مكان OTV ON tv و ام بي سي مصر والعربية مكتب القاهرة وأخيرا مسكت المونتاج في قناة الغد والحمدلله بعد سنين كتير من عملي في المونتاج أصبحت عضو عامل في نقابة المهن السينمائية ٠ واشار وكنت كل فترة اعمل محاولة مع مخرج او مساعد من اصحابي اللي اعرفهم اشوف ممكن اعمل حتى مشهد لغاية ما كلمني ا تامر حمزة عن مشهد مهم في قيد عائلي بعد ٣٠ سنة بالتمام من الوسية والحمدلله طلع كويس وعجب اللي شافه وبعدها جالي مشهد في الاختيار في حلقة مهمة والحمدلله رد فعل الناس يفرح ويشجع حسيت اني سمكة رجعت الميه تاني بعد ما كانت هاتموت انا اتولدت ممثل وهاموت ممثل مش شرط هامثل ايه او حجم الدور المهم اني زي ما انا .. ممثل طولت في الكتابة انا عارف بس انا اعتبرتها فضفضة حتى لو ماحدش قراه ماتسيبش حلمك وماتستغناش عنه خليك وراه حتى لو ما اتحققش في يوم يكفيك انك عايش على أمل أن بكرة يكون احسن٠ قرعة كاس العالم للاندية-وقفة رجالة-كأس العالم لكرة اليد-سارة الطباخ-تورتة نادى الجزيرة-ترتيب الدورى المصرى-جدول الدورى المصرى-زواج التجربة-مصر والسويد-ارسنال-ميلان-مسلسل لؤلؤ الحلقة 17-بايرون ميونخ-سيدات نادى الجزيرة