نجم النادي الأهلي صالح سليم لممثل art الأهلى صاحب الفضل عليا
نشرت صفحة ابيض واسود ورقي صورة لنجم النادي الأهلي صالح سليم واحد اهم المواقف له ٠
يذكر ان " صالح سليم فى مرة طلب مقابلته ممثل مجموعة قنوات art . وقاله ان القناة بتعمل سلسلة من الحلقات مع رموز مختلف المجالات فى مصر وأنهم سجلوا مثلا مع سيدة الشاشة العربية فاتن حمامة كرمز من رموز السينما وانهم فى المجال الرياضي شافوا إن مفيش أعظم من صالح سليم يسجلوا معاه ٠
فساله النجم صالح سليم وقال هى فاتن حمامة أخدت كام عن الحلقة دى ! . فقاله 200 ألف دولار . فصالح سليم قاله أنا مش هقبل بأقل من 300 ألف دولار . فممثل مجموعة art قاله مفيش مانع .
فى الجلسة اللى بعدها جه ممثل مجموعة art عشان توقيع العقد وكتابة الشيك فلما وقعوا العقود وجة يكتب الشيك لصالح سليم . فصالح سليم قاله أنت بتكتب الشيك بأسم مين !! . قاله بأسم حضرتك ! . قاله الشيك يتكتب باسم النادي الأهلى أنا لولا الأهلى مكنتش انت هتجيلي عشان تعمل معايا الحوار دة وأنا كل اللى هحكية صاحب الفضل فيه هو الأهلى يبقى هو صاحب الحق فى الأموال دي انا هحكى عن الأهلى مش عن صالح سليم
جدير بالذكر إن النجم صالح سليم شارك في بعض الأعمال السينمائية المتميزة مثل " الباب المفتوح مع سيدة الشاشة فاتن حمامة عام ١٩٦٣ ، الشموع السوداء نجاة الصغيرة عام ١٩٦٢ ، السبع بنات نادية لطفي ،سعاد حسني ، زيزي البدراوى ،عام١٩٦١ ، ولكنه لم يكمل مشواره السينمائي برغم تألقه ونجاح اعماله و لقائه بأهم الفنانات نجمات ذلك الجيل الجميل ٠ رحل عن عالمنا نجم النادي الأهلي صالح سليم ٦ مايو ٢٠٠٢
رضوي الشربيني_بقول عادي تامر عاشور_امتحان الصف الاول الاعدادي_روبي_ايمن حفني_ريال مدريد_يوفنتوس ضد سبيزيا_بيراميذا_اشرف بن شرقي_مها ابو عوف
